GALICIA | UNIVERSIDADE
A Deputación incorpora como bolseiros a tres alumnos do máster de xestión de produtos turísticos da UDC
A Coruña. A Deputación da Coruña incorporará como bolseiros a tres alumnos do Máster de planificación e xestión de destinos e produtos turísticos da Universidade da Coruña (UDC).
O presidente da Deputación, Valentín González Formoso, e o reitor da UDC, Julio Abalde, asinaron hoxe o convenio que articulará esta colaboración entre ambas institucións co obxecto de completar, mediante prácticas laborais na administración, a formación acedémica dos alumnos egresados do máster.
Ao mesmo tempo, a Deputación da Coruña reforzará a súa área de Turismo coa incorporación de persoas cunha sólida formación académica especializada, que contribuirán co seu talento e coñecementos a desenvolver os numerosos proxectos de promoción turística que impulsa a institución provincial nos diferentes xeodestinos coruñeses.
O convenio supón un desembolso económico de 34.544 euros, financiados íntegramente pola Deputación e as prácticas realizaranse por un período de un ano. Departamento de comunicación