SANTIAGO | ATENEO
Mariano Esteban, en Os Luns do Ateneo
Santiago | Segundo
a OMS, as vacinas constitúen o mellor procedemento de control fronte ás
enfermidades, salvando millóns de vidas, a pesar da oposición dos movementos
antivacinas. Os programas de vacinación no noso país están sendo implementados
fronte ás enfermidades para as que xa hai vacinas, á vez que se están
introducindo novos programas, pero existen enfermidades para as que non hai inmunización
ao tempo que van aparecendo outras producidas por novos virus.
Disto
falará no próximo Luns do Ateneo Mariano Esteban, Profesor de Investigación do
Centro Nacional de Biotecnoloxía (CNB-CSIC) e Presidente da Real Academia Nacional de Farmacia e do Instituto de
España, na conferencia “Desenvolvemento de vacinas fronte a enfermidades
emerxentes”, que se levará a cabo a partir das 20.00 horas na sede de
Afundación de Santiago, sita na Rúa do Vilar, 19.
Mariano
Esteban, Licenciado en Farmacia e Ciencias Biolóxicas e Doutor en Microbioloxía
pola USC, é pioneiro na bioloxía do virus vacinal, ao desenvolver procedementos
de inmunización combinada de vectores que incrementan a resposta inmune celular
e confiren protección fronte a distintos patóxenos. O seu grupo está participando
no desenvolvemento dunha vacina contra o SIDA, tendo xerado dúas vacinas contra
os subtipos B e C. Actualmente iniciou o desenvolvemento de vacinas contra
enfermidades emerxentes (chikungunya, ébola, zika), neurodexenerativas
(Alzheimer) e cáncer de próstata, así como unha nova xeración de vectores con
maior capacidade inmunoxénica e oncolítica. Departamento de comunicación