Serrat e Sabina actuarán xuntos en Santiago e Pontevedra dentro da xira "Dos pájaros de un tiro"

Os cantautores Joan Manuel Serrat e Joaquín Sabina ofrecerán dous concertos en Galicia dentro da súa xira "Dos pájaros de un tiro", que arranca o 29 de xuño en Zaragoza e que os levará a compartir escenarios por todo o Estado e por América, para rematar a finais de ano en Uruguai. Sabina e Serrat actuarán en Santiago e Pontevedra. Á capital galega chegarán para cantar coincidindo coas Festas do Apóstol, nun recital patrocinado pola Fundación Caixa Galicia, e que terá lugar na Praza do Obradoiro o día 14 de xullo. A Praza de Toros de Pontevedra acollerá tres días despois o segundo recital do dúo na comunidade.