VISITA A SOGAMA
Recyclia e a Fundación Ecomar visitan Sogama
O conselleiro delegado de Recyclia e a presidenta da Fundación Ecomar,
CERCEDA | O
conselleiro delegado de Recyclia, José Pérez García, e a presidenta da
Fundación Ecomar, Theresa Zabell, visitaron esta mañá o Complexo
Medioambiental de Sogama en Cerceda para coñecer en primeira persoa a
actividade desenvolvida no mesmo, dada a súa condición de infraestrutura
punteira no sector a nivel europeo e tamén no ámbito internacional.
Con
carácter previo ao percorrido guiado polas instalacións, mantiveron un
encontro co presidente de Sogama, Javier Domínguez, e o director xeral,
Isidro García, a fin de intercambiar impresións sobre a xestión actual
dos residuos urbanos nun marco de economía circular.
Xa
no complexo, puideron comprobar o labor das distintas plantas que o
conforman e que integran o circuíto polo que discorren os residuos para
ser tratados: desde a recepción e clasificación dos materiais
susceptibles de ser reciclados para o seu posterior envío á industria
transformadora, ata a valorización enerxética da fracción non reciclable
para a súa conversión en electricidade.
A
comitiva estivo acompañada por Gonzalo Torralbo, secretario do Padroado
Fundación Ecopilas, e Cristina Carrión Rodríguez, xefa territorial, na
delegación da Coruña, da Consellería de Medio Ambiente, Territorio e
Vivenda.
Recyclia e Fundación Ecomar
Recyclia
é a entidade que agrupa ás Fundacións Ecopilas, Ecofimática,
Ecoasimelec e Ecolum, cuxo cometido se centra na recollida selectiva, e
posterior reciclaxe, dos equipos e dispositivos eléctricos e
electrónicos ( RAEE) en desuso e das pilas refugadas. Desde
2001, Recyclia xestionou máis de 415.000 toneladas de RAEE e máis de
43.000 toneladas de pilas e baterías usadas desde o inicio da súa
actividade.
Pola
súa banda, a Fundación Ecomar é unha entidade sen ánimo lucro fundada
en 1999 por Theresa Zabell, única muller española gañadora de dous Ouros
Olímpicos.
O
labor desta organización oriéntase fundamentalmente á educación no
coidado dos nosos mares, sendo o seu público obxectivo os máis novos.
Para eles deseña, entre outros, programas específicos de convivencia no
deporte, talleres ambientais, apadriñamento de limpezas de costas e
alimentación responsable.
Un
dos programas máis destacados está dirixido ás escolas dos clubs
náuticos de España e Portugal. As escolas que se inscriben nesta
iniciativa, pasan a denominarse Centros Grímpola Ecomar, un
distintivo que se erixe en garantía de coidado e respecto ao mar e ao
medio ambiente, outorgando aos clubs e escolas de vela a categoría de
educadores e formadores en hábitos de vida saudable.
Ecomar
e Ecopilas veñen organizando anualmente o concurso ambiental “Ponte as
Pilas e Recicla” no que poden participar todos os clubs e escolas de
vela adscritos á Grímpola Ecomar. O reto é recoller nos centros,
durante a época estival, o maior número de pilas fóra de uso e
depositalas nos contedores habilitados pola Fundación Ecopilas. O club
que máis pilas recolla, en peso, será gañador de importantes premios.
O
pasado ano, o Club do Mar Cariño (Cariño-A Coruña) foi o gañador do
primeiro premio, mentres que o terceiro levouno Cataventos Escola
(Muxía-A Coruña). Departamento de comunicación