GALICIA | ENSINO
Sindicatos reclaman a ampliación do programa ARCO e que se cubran as baixas docentes nos centros galegos
SANTIAGO DE COMPOSTELA | Representantes
dos sindicatos educativos galegos reclamaron hoxe á Consellería
de Cultura, Educación e Universidade que estenda os contratos de reforzo
e apoio a alumnado con necesidades especiais vinculados ao programa
ARCO e que se cubran todas as baixas de profesores que se están
rexistrando nos centros, sobre todo ante o contexto de pandemia que está
a afectar especialmente ao alumnado sen vacinar.
Delegados
da CIG-Ensino concentráronse ante a sede da Escola Galega de
Administración Pública (EGAP) en Santiago de Compostela para denunciar
"a pandemia dos recortes" que sofre o sistema educativo e reclamar
"menos ratio e máis docentes" para asegurar a atención aos menores,
especialmente aos máis vulnerables.
Baixas
sen cubrir, tamén en plena pandemia
A
CIG-Ensino
considera totalmente insuficiente a rectificación da Consellería logo da denuncia do sindicato ao non
se estaren a cubrir as baixas desde o venres 10 de decembro. O
feito de que a
Consellaría reaccionase cubrindo 19 baixas de Infantil o propio
venres,
deixando 96 substitucións sen cubrir nese mesmo día, 59 delas do
resto de
especialidades de Primaria e 35 dos corpos de secundaria e
outras ensinanzas,
só obedece á unha decisión planificada por parte dos
responsábeis políticos da
Consellaría de Educación de supeditar todo a recortar “gastos”
sexa como sexa.
No
momento de redactar esta nova atopámonos con 193 baixas sen
cubrir,
131 delas en infantil e primaria.
A
decisión da Consellaría de deixar sen cubrir prazas cando se
aproximan períodos
non lectivos como o Nadal ou a semana santa ou o final de curso
é unha
irresponsabilidade, porque implica deixar sen docencia a centos
de nenos e nenas
durante, nalgúns caso, períodos superiores a quince días. Forma
parte dunha
“normalidade tóxica” desta administración que se repite case
todos os cursos.
Mais se en calquera momento xa ten recibido a contundente
crítica da
CIG-Ensino, ás veces con rectificacións da Consellaría, que se
dea neste
momento é un insulto ao alumnado, ao profesorado e ao conxunto
da comunidade
educativa, estando como estamos en plena pandemia.
Tense
dado o caso de que nalgún centro de primaria (nos que se mantén
o criterio de
non mesturar os denominados “grupos burbulla”) se ten indicando
a unha única
docente que se faga cargo de “custodiar” o alumnado de dúas
aulas diferentes
sen que entren en contacto.
Os
contratos ARCO, máis parches que nunca
As
críticas da CIG-Ensino tamén se estenderon á decisión da
Consellaría de non
ampliar os contratos do profesorado vinculado ao programa ARCO.
Neste caso, as demandas feitas polo sindicato diante da Dirección Xeral de Centros non foron
tidas en consideración
en ningún momento e mantense a decisión de cesar a todo estas
compañeiras e
compañeiros no remate da actividade lectiva do mes de decembro,
malia teren
comezado os seus contratos con máis dun mes de retraso sobre o
publicitado polo
conselleiro de Educación. Os contrato, pensados para o reforzo
educativo a
partir do comezo de curso, non comezaron até outubro, e mesmo
nalgúns casos,
chegando até finais de mes sen cubrir as prazas.
A
CIG-Ensino sempre se mostrou contraria a estre tipo de contratos
programa e
solicita que todos os fondos orzamentarios para contratar
profesorado de
reforzo se faga incrementando os cadros de persoal durante todo
o curso
escolar. Neste sentido, desde o sindicato consideramos que
Educación debe
rectificar e tomar a decisión de ampliar os contratos. Somos
conscientes da
necesidade de que se faga até o final de curso, mais como mínimo
debería ser
durante toda a duración prevista inicialmente no programa, que
era dun
trimestre escolar.
Mala
xestión dos fondos para os reforzos educativos
Todo
o
que se afaste destas decisións de ampliación dos contratos é un
pésimo exemplo
da mala xestión duns fondos recibidos pola Xunta por parte do
Fondo Social
Europeo e o Ministerio para o reforzo educativo, deixando sen
gastar parte
deses fondos. En que cabeza cabe que sen deixen de gastar uns
fondos
comprometidos, primeiro polo retraso na contratación e despois
pola
incapacidade de rectificación da Consellaría? Desde o
sindicato insistimos:
rectifique, conselleiro; só cando é así, acerta. Departamento de comunicación