DEPUTACIÓN DE OURENSE
Manuel Baltar: "Para descentralizar e achegarse á cidadanía non hai nada que inventar, xa existen as deputacións"
.jpg&x=305)
OURENSE | O
presidente da Deputación de Ourense, Manuel Baltar, participou esta
mañá no Centro Cultural Marcos Valcárcel na apertura das Xornadas
Internacionais
sobre A orixe das deputacións provinciais no século XIX,
organizadas no marco da celebración do 200 aniversario da constitución
da Deputación de Ourense, tal como día como hoxe de 1822. Un acto no que defendeu a necesidade dunhas
institucións plenamente vixentes e con moito futuro, destacando que
“para descentralizar servizos e competencias e achegarse á cidadanía non
hai nada que inventar: para iso xa existen as deputacións”.
Acompañado polo organizador do encontro, o
profesor de Historia do Dereito e das Institucións da Universidade da
Coruña, Eduardo Cebreiros, e da deputada de Cultura e Produción
Audiovisual, Patricia Torres, mailo o comisario da
exposición que se inaugurou ao mediodía, Carlos Quintairos, o
presidente afirmou que “as deputacións xogaron un proverbial papel na
configuración do Estado”, reclamando “máis información e formación entre
os representantes públicos e a cidadanía para que se
coñeza a súa verdadeira importancia”.
Unha valía que queda de manifesto,
remarcou, na última Conferencia de Presidencias de Deputacións
Provinciais, Cabildos e Consellos Insulares celebrada en Valencia. Un
encontro que naceu en 2014 a iniciativa do propio Baltar e
que alcanzou a quinta edición, “con representantes de todos os signos
políticos, cando ninguén antes, nin desde partidos nin institucións,
convocara aos representantes provinciais para falar de cuestións que
vemos son comúns”.
Os gobernos provinciais “son básicos, como
en Europa”, razón pola que defendeu o traballo en rede desde a
presidencia da Asociación Europea de Gobernos Provinciais Intermedios
(Partenalia), a vicepresidencia da Confederación Europea
de Poderes Locais Intermedios (CEPLI), ou a máxima responsabilidade na
Asociación de Cidades Históricas Termais de Europa (EHTTA). “Noutros
países as deputacións teñen competencias más sólidas e potentes e, aínda
máis importante: os seus presidentes e deputados
son elixidos directamente pola cidadanía, algo fundamental para que a
veciñanza se sinta partícipe destas institucións”. Si se descentralizan
servizos e competencias “as deputacións teñen que merecer que a
veciñanza se pronuncie e elixa aos seus representantes”.
Repaso á historia das provincias e das deputacións
Eduardo Cebreiros remarcou cun “feliz
cumpleaños” o douscentos aniversario da data na que Pedro Boado Sánchez
“instalou” a Deputación Provincial de Ourense, agradecendo “a outro
presidente, Manuel Baltar, a súa sensibilidade para
organizar esta celebración”. O obxectivo destas xornadas dixo, non é
outro que destacar a relevancia do Trienio Liberal (1820-1823) e as
reformas políticas e sociais da época, “analizando desde diversas
perspectivas a historia das provincias que se crearon
nesta época”.
Con esta finalidade achegouse a Ourense
unha ampla representación de expertos pertencentes a 13 universidades
nacionais e internacionais, “a maior parte deles integrados nunha rede
de historiadores do Dereito que levan máis de
vinte anos traballando no campo das deputacións”
Así, a profesora María López da
Universidade de Vigo, e Emma Montano máis o propio Eduardo Cebreiros, da
Universidade da Coruña, abordaron hoxe a organización territorial de
Galicia e Ourense na historia. Sobre o pasado das deputacións
limítrofes á comunidade galega falaron Félix Martínez da Universidade
de Valladolid e Marta Friera, de Oviedo. As sesións do día remataron
analizando o competencial, coa intervención de Manuel Estrada, da
Universidade de Cantabria, e Eduardo Galván de Las
Palmas de Gran Canaria.
As xornadas continuarán mañá venres cunha
nova sesión sobre as competencias das deputacións, a cargo de Enrique
Orduña, da Universidade Complutense de Madrid, José Antonio Pérez da
Universidade Miguel Hernández de Elche, e Miguel
Ángel Chamocho de Jaén.
Haberá tamén tempo para comparar a
organización territorial en Europa, capítulo do que se encargarán Marco
Fioravanti, da Universidade Tor Vergata (Italia); Tiphaine Le Yoncourt,
de Rennes (Francia); e José Subtil, da Universidade
Autónoma de Lisboa. Departamento de comunicación