El Confidencial
radiolider Buscador de noticias buscar en google
José Manuel López García
Conchi Basilio
Cartas al Director
Más noticias

NARÓN

Uxía & Sérgio Tannus e Tachenko, no cartel da terceira edición de "Noites á fresca"

22-06-2022 15:25:13
Presentación da edición Noites á Fresca.

NARÓN | A concelleira de Festas e Turismo, Natalia Hermida, presentou esta mañá na magnolia de Xuvia o cartel da terceira edición da proposta “Noites á fresca”, impulsada dende o Concello e que se desenvolverá os días 8 e 9 de xullo. Hermida destacou que “un ano máis recuperamos esta proposta baixo a magnolia centenaria de Xuvia, cun gran valor patrimonial, rexistrada no Catálogo de Árbores Senlleiras de Galicia, e que nos permitirá celebrar os dous concertos programados nun entorno único, na zona do Camiño Inglés a Compostela.
   
O venres 8 de xullo actuarán Uxía & Sérgio Tannus, dous piares da música do país que traen a Narón un proxecto conxunto de gran calidade. A cita será ás 22.30 horas e durante este período o público terá a oportunidade de desfrutar da música galega da man de Uxía e á que se sumará o brasileiro Sérgio Tannus, artista virtuoso de varios instrumentos asentado dende hai décadas en Galicia.   

A segunda xornada, o sábado 9, tamén ás 22.30 horas, terá lugar o concerto de Tachenko, un quinteto de Zaragoza que chega á cidade co seu último disco, “Las discotecas de la tarde”, publicado trala pandemia e cunha decena de temas. Con varios álbumes na súa dilatada traxectoria, a música pop segue sendo o seu sinal de identidade.   

“En ambos casos a entrada é de balde, apostando por achegar a música á cidadanía en xeral cunha posta en escena moi coidada, tanto no aspecto da iluminación como no son, para poder aproveitar ao máximo estas dúas xornadas e a estes grandes artistas que participarán nesta edición”, destacou Hermida.  Departamento de comunicación





www.galiciadiario.com no se hará responsable de los comentarios de los lectores. Nuestro editor los revisará para evitar insultos u opiniones ofensivas. Gracias