A CORUÑA | PP
O Partido Popular da provincia da Coruña recupera a súa Romaría
A CORUÑA | Afiliados, militantes e simpatizantes do Partido Popular da provincia de A Coruña daranse cita na xa tradicional Romaría que a formación popular celebrará os ábado, a partir das 12:00 horas –intervencións previstas para as 13:45 horas-, no Concello do Pino, e á que acudirán o presidente nacional, autonómico e provincial, Alberto Núñez Feijoo, Alfonso Rueda e Diego Calvo.
Tras dous anos sen poder gozar desta cita por culpa da pandemia provocada pola Covid, a dirección provincial volveu a convocar á ‘familia’ popular a unha xornada de marcado carácter lúdico na que persoas procedentes dos 93 concellos da provincia poderán gozar dun día no que, como o propio Diego Calvo asegura, “deixaremos atrás, sen esquecernos dos que xa non están connosco, meses duros nos que Para o presidente provincial, a recuperación da celebración desta Romaría sempre foi un dos seus principais obxectivos durante todos estes anos. Non en balde, a cita sempre foi un éxito de organización e de afluencia de xente en todas as súas edicións. “En canto poidamos facela, que ninguén dubide que de que a volveremos facer”, ten dito o popular en todas as citas con militantes e afiliados.
Desta maneira, as 4.000 persoas que confirmaron a súa asistencia poderán gozar desde o mediodía dunha xornada de encontro, que demostra, unha vez máis, apuntou o presidente popular, a unión e a forza que os populares teñen en todos os recunchos da provincia de A Coruña.
Amenizada coa música do Grupo Alaska e con actividades para que os máis pequenos pasen tamén un bo día, a organización colocará unha carpa de máis de 3.800 metros cadrados para dispensar unha comida na que non faltará a empanada, o polbo e a tradicional carne ao caldeiro.
Arrinca a campaña das municipais
A once meses da cita coas urnas municipais, a Romaría servirá tamén de pistoletazo de saída da campaña para as eleccións locais, na que os populares confían en poder aproveitar o bo momento que vive o seu partido a nivel nacional para recuperar o goberno da Deputación da Coruña e municipios importantes como A Coruña, Santiago e Ferrol.
“Temos que chegar fortes a elas, temos que demostrar unha vez máis que somos a ferramenta para mellorar a vida da xente. Os que imos solucionar os seus problemas e, nunca, os que os causamos”, concluíu Diego Calvo. Departamento de comunicación