PONTEVEDRA | FESTAS DA PEREGRINA

Zahara, Fernando Costa, Coque Malla ou Treixadura, entre os artistas que actuarán nas Festas da Peregrina este agosto

PONTEVEDRA | O departamento de Festas do Concello de Pontevedra acaba de facer público un adianto do cartel de artistas que este ano encherán de música a praza do Concello co gallo das Festas da Peregrina. Entre o 13 e o 21 de agosto, seguindo a tradición, o escenario deste lugar acollerá un espectáculo de primeiro nivel.  

Polo momento, Zahara, Fernando Costa, Coque Malla, Treixadura, Juancho Marqués, Camela e o espectáculo infantil O Pequeno Rei da Sabana son os confirmados para ensinar as súas melodías e os seus concertos ao carón da alameda de Pontevedra. Cómpre indicar que aínda restarían un par de nomes por ser revelados e que serán anunciados nos vindeiros días, xunto coa programación ao completo das Festas da Peregrina, que incluirá actividades infantís, os concertos da praza da Ferraría ou o lanzamento de fogos artificiais.  

De novo, a aposta desde o Concello é a de amosar un cartel variado, con nomes nacionais e estatais, de estilos e xéneros diversos, cun gran poder de convocatoria e cunha mestura de artistas actuais con outros xa de fonda carreira. Departamento de comunicación


Programación 

.- 14 de agosto: Zahara  

.- 15 de agosto: Coque Malla  

.- 16 de agosto: Fernando Costa  

.- 17 de agosto: Treixadura   

.- 18 de agosto: O Pequeno Rei da Sabana  

.- 19 de agosto: Juancho Marqués  

.- 21 de agosto: Camela