GALICIA | AXUDA NO FOGAR
O persoal de axuda no fogar leva ante a Xunta as súas reivindicacións
.jpg&x=305)
SANTIAGO DE COMPOSTELA | Santiago de Compostela acolleu hoxe unha manifestación nacional do sector de axuda no fogar (SAF) para esixir un "convenio xusto" e condicións laborais "dignas". A marcha, convocada por Comisións Obreiras de UGT, partiu do edificio de sindicatos e rematou diante da sede da Consellaría de Política Social, onde esixiron que a Administración non olle para outro lado e clamaron consignas como "Xunta, escoita, o SAF está en loita!".
En declaracións aos medios de comunicación, a secretaria xeral de CCOO-Hábitat, Alejandra Gesto, lembrou que o SAF é un sector "eminentamente feminizado" -case o 90% son mulleres- e que, polas súas condicións de traballo, é "o sector máis precarizado de cantos temos en Galicia". Neste contexto, as auxiliares de axuda no fogar levan anos sen unha regulación que lles dea "a necesaria seguridade e estabilidade on emprego".
Pola súa parte, a secretaria xeral do Sindicato Nacional de CCOO de Galicia, Amelia Pérez, considerou "inxustas" as condicións laborais que imperan no sector, mentres as empresas "desprezan" o labor realizado polas traballadoras. "Salarios baixos, xornadas interminables e insuficiente normativa de prevención de riscos" son algunhas das eivas que denunciou.
Desde CCOO e UGT afirman que o persoal do sector "non está disposto" a continuar prestando servizos nestas condicións. Como xesto para desbloquear a situación, e coa mediación do Consello Galego de Relacións Laborais, acordouse adiar a convocatoria de folga prevista para hoxe, pero advirten do «endurecemento» das protestas se non se producen avances. Departamento de comunicación