Bunbury dará o 4 de outubro en A Coruña o único concerto en Galicia da súa xira "Hellville de Luxe"

Bunbury regresa á furgoneta para percorrer España presentando o que será o seu novo álbum en solitario, 'Hellville de Luxe', que se publicará o 7 de outubro. O público coruñés poderá oír en directo algúns dos novos temas antes de que saia o disco, xa que Bunbury ofrecerá na cidade herculina o único concerto previsto en Galicia. A cita será o 4 de outubro ás 22 horas no Coliseum. As entradas xa están á venda na web www.caixagalicia.es, no teléfono 902 43 44 43 e na billeteira da praza de Ourense a un prezo de 30 euros se se adquire por anticipado. A xira comezará o 6 de setembro na Feira de Mostras de Zaragoza e percorrerá outras 14 cidades españolas ata o mes de decembro, para presentarse en América a partir de febreiro.