Fuxan os Ventos vende todas as entradas para o concerto do día 18 de outubro en Santiago

O regreso de Fuxan os Ventos ten asegurado xa o cheo do Auditorio de Galicia para o sábado 18 de outubro, día no que abrirán co seu espectáculo 'Terra de soños' o ciclo 'Sons da diversidade'. As localidades para ese día xa están esgotadas, segundo informou a organización nun comunicado. Os interesados aínda poden adquirir entradas para o concerto do domingo día 19 na web www.caixagalicia.es e no teléfono 902 43 44 43, a un prezo de 20 euros, con descontos para xubilados e estudantes.