Conferencia en Santiago sobre as relacións entre comunicación e coñecemento

Analizar o papel da comunicación como xerador de coñecemento e dirimir ata que punto se pode indentificar a acumulación de información co coñecemento son os eixes sobre os que desenvolverán este xoves os seus relatorios o enxeñeiro industrial e Máster en Investigación Operativa, Carlos Fernández Esteban, e o profesor e doutor en Comunicación e director xeral da Asociación Brasileira de Comunicación Empresarial, Paulo Nassar. As conferencias enmárcanse nas Xornadas sobre o Futuro da Industria da Comunicación, organizadas polo Club Internacional de Prensa. As intervencións comezarán ás 17 horas na sede da Fundación Caixa Galicia en Santiago e os relatores serán presentados polo decano da Facultade de Comunicación de Santiago, Miguel Túñez, e o profesor de Xestión de Empresas Informáticas e da Empresa Audiovisual, Francisco Campos. Para Fernández Esteban, na industria tecnolóxica instalouse a supremacía da oferta sobre a demanda: a xente compra os robots que deseñan e despois entenden a súa utilidade. Para Paulo Nassar, o proceso da comunicación pasa do difusor simple da información para adoptar un papel de educador, creador do coñecemento.