Los Secretos venden todas as entradas do concerto de Coruña

O Teatro Colón da Coruña acollerá este vernes ás 20.30 horas o concerto do grupo madrileño Los Secretos cun cheo total, xa que as entradas están esgotadas. O grupo presentará os temas do seu último disco recopilatorio, '30 años de Secretos', no que recollen todos os grandes éxitos da súa carreira discográfica. O grupo, liderado por Álvaro Urquijo, está realizando unha xira por teatros e auditorios que os trae á Coruña para tocar temas como 'Déjame', 'A tu lado', 'Colgado' ou 'Ojos de gata'. Los Secretos comenzaron a formarse en 1978 cando os tres irmáns Urquijo (Javier, Enrique e Álvaro) se uniron a Canito para formar o grupo ?Tos?. A morte de Canito e a a súa sustitución por Pedro levou á creación de Los Secretos e o seu primeiro éxito 'Déjame'. En 1984 o grupo volve perder ao seu batería en accidente de tráfico e o irmán maior, Javier, abandona o conxunto. Será co seu cuarto disco 'El primer cruce' (1986) co que o grupo reaparece. En todo este tempo, Los Secretos leva publicados 17 discos, dos que tres recollen os seus grandes éxitos.