Medio cento de escritores galegos falarán de libros no Cultur.gal

Medio cento de escritores galegos darán conta da súa actualidade creativa na actividade 'Falemos de Libros', que a Asociación de Escritores en Lingua Galega pon en marcha durante o Cultur.gal, a Feira das Industrias Culturais que se desenvolverá na Coruña do 4 ao 7 de decembro.

'Falemos de libros' emitirá en directo a través da web da AELG (http://formacion.aelg.org) unha serie de entrevistas duns 10 minutos con escritores como Francisco X. Fernández Naval, Manuel Rivas, Xosé Vázquez Pintor, Jaureguízar, María Reimóndez, Marica Campo, Yolanda Castaño, Rosa Aneiros, Marilar Aleixandre, Antón Reixa e Xabier P. Docampo, entre outros.