A curtametraxe galega "Auga", do director vigués afincado na Coruña Xosé Perozo Porteiro, Ozo, ven de ser galardoada no V Festival AlExtremo Cortos de Río Gallegos na provinicia de Santa Cruz, Arxentina coa Mención Especial do Xurado na Categoría Argumental. O xurado do certame detacou "a suma de orixinalidade argumental, síntese narrativa, excelencia técnica e economía de recursos".

Trátase do primeiro premio fóra de España desta película, que xa participou en case 50 mostras e festivais. 'Auga', estreada en Santiago de Compostela en setembro de 2007, estivo en citas tan importantes como a de Neuchâtel de Suiza, Sapporo en Xapón, o Mercado de Clermont-Ferrant e o Court-Metrange de Rennes de Francia, o Dead Channels Festival de San Francisco nos Estados Unidos e o Festival de Cine & Video Latinoamericano de Buenos Aires, entre outos. Nese periplo acadou dous premios máis, así como unha mención especial á Mellor Fotografía.

Foi rodada hai dous anos no porto da cidade coruñesa de Sada, e contou cunha axuda á produción da Consellaría de Cultura. Está protagonizada polo actor lugués Marcos PTT e o coruñés David Perdomo. O director, Ozo, traballa desde hai máis de dez anos no audiovisual galego, e actualmente desempeña labores de Axudante de Dirección ou de Script.