CONTACONTOS

"Hora do conto", con Celso Fernández, na Biblioteca de Caixa Galicia de Santiago

Este martes 13 de xaneiro, a Biblioteca da Fundación Caixa Galicia en Santiago acollerá a actividade 'Hora do conto', con Celso Fernández Sanmartín, poeta e contacontos. Este obradoiro forma parte das actividades da Biblioteca Fundación Caixa Galicia adicadas aos máis pequenos. Está dirixido ao público infantil e xuvenil co obxectivo de que os nenos entren de cheo na lectura.

Celso Fernández Sanmartín é licenciado en Filosofía pola Universidade de Santiago de Compostela. Actualmente exerce de animador e coordinador de actividades da residencia 'Nosa Señora das Dores', de Lalín. Entre as obras que ten publicadas, cómpre destacar 'Divagacións iú', 'O tigre das cenoiras', 'Sen título', 'Propiamente son captivo' e 'Fucsia, talladas, estampados, boca'.