CINE

"Todo sobre Eva" de Mankiewicz no ciclo de cine da Fundación Caixa Galicia en Santiago

Este martes 13 de xaneiro, a sede da Fundación Caixa Galicia en Santiago de Compostela, acollerá a proxección dun novo filme do ciclo 'Espazos teatrais', unha iniciativa que renova o esforzo desta institución por achegar e manter esta disciplina na súa rede de espazos culturais.

Nesta ocasión, exhibirase o filme 'Todo sobre Eva', de Joseph L. Mankiewicz, un filme que durante décadas, ata a chegada de Titanic, cargou co récord de candidaturas aos Óscar, un total de catorce dos que levaría seis. A película fala do arribismo servil dunha aspirante a actriz, a partir dunha visión crítica e áceda da sociedade norteamericana e da fogueira das vaidades do teatro. Cos anos, houbo versións para a televisión e musicais.