BNG

Vázquez considera a Feijóo “un tapón” para avanzar no autogoberno de Galicia e na loita conta o paro

 Vázquez (BNG) considera a Feijóo “un tapón” para avanzar no autogoberno de Galicia e na loita conta o paro

O voceiro nacional do BNG, que esta mañá participou nun almorzo organizado por Fórum Europa no que estivo acompañado do candidato municipal do BNG en A Coruña, Xosé Manuel Carril, indicou que o presidente da Xunta, Alberto Núñez Feijóo, supón “un tapón” para que Galicia avance no autogoberno e na loita contra o paro, polo que “lonxe de ser parte da solución é parte do problema”.

Guillerme Vázquez criticou na súa intervención o fracaso das medidas adoptadas nos últimos meses polos gobernos nacional e autonómico e emprazou á Xunta a “empezar a exercer como tal” e a levar a cabo acción concretas para paliar os efectos da crise en Galicia.

Neste senso, sinalou que o Goberno central "adopta medidas erradas, cando non contrarias aos intereses de Galicia, mentres que o Goberno galego simplemente non adopta ningunha ou, cando menos, ningunha eficaz". "É público que non compartimos as medidas adoptadas polo señor Zapatero para atallar a crise. É notorio que non compartimos a pasividade e a impotencia do señor Feijóo fronte a mesma”, engadiu.

Namentres, denunciou, Galicia padece “síntomas evidentes de enfermidade" que, segundo Vázquez, requiren dunha actuación política que os atalle; dunha corrección a fondo.

Guillerme Vázquez sinalou que a Xunta parece fiar a recuperación e o incremento do PIB ao Xacobeo e á visita papal, o que evidencia, según él, a carencia de proposta seria algunha en materia económica. Asimesmo, o voceiro nacional do BNG considerou que o actual marco estatutario “é insuficiente para tomar decisións con autonomía real” e incidiu no feito de que as “limitadas capacidades de autogoberno” están a impedir a Galicia alcanzar mellores niveis de desenvolvemento.

Non obstante, apuntou que o PPdeG é contrario a reformar o marco estatutario, polo que Vázquez preguntou ao presidente da Xunta que, se dispón de suficientes competencias, a qué espera para facer uso delas e resolver os problemas da xente. Confiou en convencerlles de que no momento actual precísase máis ca nunca unha maior capacidade de autogoberno, para o que invitou aos populares a “perderlle o medo” á proposta dun novo Estatuto de Nación presentada o pasado mes de setembro polo BNG no Parlamento.

Tamén criticou neste senso ao Goberno central, ao que acusou de ter medo de ceder soberanía a Galicia cando, por outra banda, esta a ceder soberanía a entes supraestatais en materia monetaria ou militar. Para Guillerme Vázquez a política ha de mandar sobre os mercados financeiros. “Estamos nun momento de deterioro da democracia e, se seguimos pola vía da desregulación financeira, irá de mal en peor”.

Segundo o líder nacionalista, a solución á crise pasaría por poñer regras e control público aos mercados financeiros internacionais, por modificar o sistema fiscal baixo o principio de que pague quen máis ten, por garantir crédito ás empresas e por recortar gastos improductivos, como o gasto militar, as deputacións,ou os ministerios con competencias transferidas ás comunidades autónomas.

Pola contra, calificou de erro a adopción por parte do Estado de medidas “socialmente inxustas e ineficientes”, como conxelar as pensións e, ao tempo, subir o prezo de productos básicos como a luz ou o gas, ao tempo que lle lembrou que “con máis paro e menos salarios a economía sempre se estanca”.

CAJAS

Respecto ao proceso de fusión das caixas galegas, o voceiro nacionalista afirmou defender o modelo de caixas e que o aforro galego sirva para potenciar a economía do noso país.

Non obstante, denunciou a existencia de poderes decididos a acabar co modelo de caixas e indicou que “non está ganada a batalla. Hay unha LORCA que prevé o que prevé e á que nós nos opoñeremos”.

TOPÓNIMO

Guillerme Vázquez, aproveitando a súa presenza en A Coruña, quixo lamentar a “incansable” política do PP local co topónimo e suxeriulles que, en lugar de gastar folgos na modificación do topónimo, fagan propostas para a cidade. “Non se lle fai ningún favor a Galicia atacando á súa lingua e á súa identidade”, engadiu.

Neste senso, sinalou que o que fan no PP co topónimo da Coruña “non o fan nin os do Tea Party con Los Ángeles, en Estados Unidos”. Mentres, eles “L que L”.