Riobóo, líder de Podemos en Galicia

Breogán Riobóo gañou máis da metade, un 54 %, dos votos emitidos polos militantes de Podemos en Galicia e converteuse así no líder desa formación nesta Comunidade Autónoma, informaron a Efe fontes da organización.

Segundo o reconto, que aínda está en proceso de verificación, Riobóo e o seu proxecto "Claro Que Podemos" logrou uns 3.800 votos na consulta efectuada por Internet, e pasa así a ser o vencedor e poderá proclamarse secretario xeral de Podemos en Galicia.

En declaracións a Efe por teléfono, Riobóo dixo estar "satisfeito" pero que non habería valoracións ata o luns, nunha conferencia de prensa para facer unha avaliación. "Non quero facer ningún tipo de interpretacións" desta consulta, comentou, e insistiu na necesidade de analizar os resultados.

Riobóo prometeu na campaña converter a Podemos no "referente" político en Galicia e en España porque "a xente está convencida" de que se trata do "sinal do cambio". A seguinte candidata, Ana Sánchez Diz conseguiu uns 1.100 votos, o que equivale a un 33 % do total de sufraxios emitidos, moi por diante das outras dúas propostas.Galicia Pode, liderada por Susana Fernández, conseguiu uns trescentos votos e a cuarta candidatura integrada por independentes uns 120. diariodepontevedra