Fernández Vázquez, novo membro do Consello Consultivo de Galicia
O presidente do Goberno galego, Alberto Núñez
Feijóo, deu conta hoxe ao Consello da Xunta do decreto que designa a José
Antonio Fernández Vázquez, como novo membro do Consello Consultivo de Galicia. Fernández
Vázquez era ata o de agora secretario xeral técnico da Consellería de
Infraestruturas e Vivenda.
Licenciado en Dereito pola Universidade de
Santiago de Compostela, exerceu anteriormente como Letrado-Asesor xurídico da Consellería de
Presidencia, Administracións Publicas e Xustiza. E en 1993 foi nomeado secretario xeral da Consellería de Política
Territorial, Obras Públicas e Vivenda.
Ostentou o cargo de secretario da
Administración Local no ano 1981, e tamén foi funcionario da escala de Letrados da Asesoría Xurídica da
Xunta de Galicia. Máis
tarde ingresou no corpo superior da Administración da Xunta, no 1991.
Ademais, exerceu de secretario do Concello de
Bueu entre os anos 1982 e 1988, e de asesor xurídico da Consellería de Economía
e Facenda entre 1989 e 1990. Posteriormente foi nomeado secretario xeral Técnico
da Consellería de Ordenación
do Territorio, Obras Públicas e Vivenda, posto no que estivo ao longo de tres
anos.