BNG

Ana Pontón: "O rival en termos políticos é electorais é o PP"

Tras o fracaso na conformación de goberno no Estado, nun proceso “no que Galiza estivo ausente”, a portavoz nacional, Ana Pontón, subliñou o traballo que vai emprender a organización para “fortalecer o proxecto nacionalista” que representa o BNG e ser chave na derrota do PP.   

Asegurou que a formación está preparada para, ante calquera eventualidade electoral,  “ser parte fundamental na derrota do PP” que, en termos políticos e electorais, é “o inimigo a bater”, subliñou. “Este país precisa un cambio real de políticas, fronte ao desastre que deixa o PP”, salientou Pontón a preguntas dos medios. “Constatamos que é urxente derrotar un proxecto centralista que marxina Galiza e aos galegos e galegas”, afondou, “porque cada vez temos un país máis minguante”, no social, no económico e no político.   

En relación ao dereito a decidir que as forzas nacionalistas reclaman para as nacións sen Estado, Pontón explicou que falar dese dereito “é falar das cousas do cada día”, ter ferramentas para poder tomar as decisións que máis conveñan aos intereses de Galiza. 

“Decidir cal debe ser a peaxe na AP-9, quen pode pescar nas nosas rías, como derrotar a reforma laboral e crear un marco laboral galego con salarios dignos, determinar a fiscalidade que precisa o país”, citou a modo de exemplos do que implica o autogoberno que defende o BNG. Departamento de comunicación