PSdeG
Pilar Cancela: "Nas próximas semanas teremos un calendario de primarias”
A secretaria de
Organización dos socialistas galegos, Pilar Cancela, asegurou esta tarde en
Santiago que “o PSdeG ten unha folla de ruta e estará preparado” para liderar o
cambio político, fronte a un Feijóo “aburrido de Galicia”.
Cancela ofreceu unha
rolda de prensa tras a primeira reunión da xestora do PSdeG, na que quedou
constituída formalmente. “Falamos da situación do partido e decidimos seguir
coa elaboración do programa electoral de cara ás eleccións autonómicas”,
manifestou.
Os grupos de
traballo encargados da elaboración do programa terán esta mesma semana novas
reunións con organizacións sociais e sindicais. “A folla de ruta continúa e
temos meses de moito traballo por diante”, apuntou Cancela, que engadiu que
“nas próximas semana estará fixado un calendario de primarias” para elixir a
candidatura á presidencia da Xunta.
“O PSdeG ten unha
dirección orgánica e política, estamos nun ano decisivo para o futuro do país,
cunha oportunidade histórica para mudar a cor política na Xunta”, explicou
Cancela, que rematou afirmando “a necesidade de que a presidencia do goberno
galego teña unha axenda social”. Departamento de comunicación