Unha exposición producida pola Fundación Luís Seoane chega ao Museu da Cidade de Lisboa

A exposición "Entre la palabra y la imagen", producida pola Fundación Luis Seoane, chega ao Museu da Cidade de Lisboa. A mostra, que se inaugura esta noite, analiza as experiencias de preto de 40 artistas españois, portugueses e brasileiros a través da relación entre a imaxe e a palabra. As pezas presentes na exposición, que van dende os anos 60 ata a actualidade, teñen como expresión a poesía, o diario íntimo, a lingüística e a crítica social por parte de artistas de diferentes xeracións. A mostra abriuse na Fundación Luis Seoane da Coruña o pasado 5 de xullo, e agora poderá verse ata o mes de abril no Museu da Cidade de Lisboa.