Feijóo ve no PP un partido "preparado e que sabe o que quere"
O presidente dos populares galegos, Núñez
Feijóo, participou hoxe na clausura do 18 Congreso Nacional do Partido Popular.
Alí subliñou que ve ao PP “preparado”, como unha formación que “sabe o que
quere” e que ten un rumbo definido ata o ano 2020. “Temos un líder e temos un
equipo. Iso é moi importante na situación política actual en España”, concluíu.
O líder do PPdeG realizou estas declaracións
antes de acudir á reunión do primeiro Comité Executivo Nacional resultante
deste Congreso. Nela debutou o secretario xeral autonómico, Miguel Tellado,
novo representante galego neste órgano, que se sumou ao resto de membros da
nosa Comunidade: a presidenta do Congreso, Ana Pastor; o portavoz do grupo no
Senado, José Manuel Barreiro; o secretario xeral de Nuevas Generaciones, Javier
Dorado, como membros natos; e a deputada Pilar Rojo e o eurodiputado Francisco
Millán Mon como membros electos.
Sobre este punto, o presidente lembrou que
Galicia “nunca tivo unha representación superior” na dirección nacional, e
mostrouse “satisfeito” con esta presenza, como destacara na xornada anterior,
na que o PPdeG celebrou o recoñecemento do presidente Mariano Rajoy ao esforzo
e aos éxitos colectivos do partido na Comunidade. Departamento de comunicación