SEGUNDA XORNADA DO PARLAMENTO XOVE
Alumnos de Bacharelato de 15 centros toman a pàlabra
A competición de debate
Parlamento Xove, retomou hoxe a súa actividade no Centro Residencial Docente A
Coruña, onde está a ter lugar a segunda xornada clasificatoria da oitava
edición deste certame da Consellería de Política Social que pretende potenciar
o diálogo como ferramenta para argumentar as ideas propias entre a xuventude
galega.
No día de hoxe, no que está a competir a categoría
de Bacharelato, están a participar un total de 21 equipos, formados por un profesor e catro
alumnos/as, de 15 centros educativos de toda a comunidade autónoma galega. Os
centros que participan con un equipo son o IES A Pinguela de Monforte de Lemos,
o IES Xulián Magariños de Negreira, o Colexio Plurilingüe San Xosé- FEC de
Lugo, o IES Eduardo Pondal de Santiago, o IES Castro Alobre de Vilagarcía, o
IES de Mugardos, o IES Pintor Colmeiro de Silleda, o IES Río Cabe de Monforte
de Lemos e o IES Universidade Laboral de Culleredo. E con dous equipos
participarán: o Colexio Internacional Sek-Atlántico de Poio, o IES Rodeira de
Cangas, o Colexio La Salle de Santiago, o IES Laxeiro de Lalín, o IES Monte
Castelo de Burela e o IES de Becerreá.
Nesta oitava edición
o tema de debate para Bacharelato é: “As novatadas estudantís. Pasaron a ser un
suposto de acoso entre a mocidade?”. A dificultade da actividade radica en que
só cinco minutos antes de cada encontro dialéctico se procede ao sorteo da
postura a adoptar por cada equipo,“a favor”ou “en contra”, en relación á
cuestión formulada. Os equipos levaron a cabo unha labor de investigación
previa e agora contrapoñen e discuten datos e ideas.
A fase clasificatoria da categoría da ESO descorreu o pasado sábado 4 de
marzo e nela participaron un total 22 equipos de 22 centros educativos de toda
Galicia. Neste caso o tema de debate foi: “En España a idade legal para mercar
alcol é 18 anos. Variar este límite influiría nos hábitos de consumo de alcol
entre a xuventude?”.
ESO
Na categoría Educación Secundaria Obrigatoria (ESO), os oito equipos
clasificados para a fase final foron: IES de Becerreá, CPR Plurilingüe Sagrada
Familia de Vilagarcía de Arousa, Colexio
La Salle de Santiago, IES Santiago Basanta Silva de Vilalba, CPR Nosa Señora de
Lourdes da Estrada, CPR Plurilingüe Liceo La Paz da Coruña, IES A Pinguela de
Monforte de Lemos e CPR Maristas A Inmaculada de Lugo.
Xunto aos oito equipos
clasificados da categoría da ESO, os oito equipos que hoxe resulten
clasificados de Bacharelato, participarán na fase final que descorrerá o día 22
de abril en Santiago no hemiciclo do Parlamento de Galicia. O
tema para o debate final será anunciado pola organización os vindeiros días no
portal web da Dirección Xeral de Xuventude, Participación e Voluntariado.
En canto aos premios, os gañadores de cada categoría
contarán cunha axuda para unha viaxe; no caso de Bacharelato de 5.000 euros e,
para os alumnos da ESO, de 3.000 euros. Así mesmo, contarán cunha mención
especial e cun agasallo os/as mellores oradores/as e o mellor dossier de
investigación en cada unha das dúas categorías.