Medio Ambiente e Ecoembes poñen en marcha a campaña "Respira"
A Consellería de Medio Ambiente e Ordenación do
Territorio e Ecoembes colaboran na posta en marcha da campaña Respira,
co fin de protexer a calidade do aire a tráves da reciclaxe. O principal
obxectivo é concienciar aos cidadáns galegos dos beneficios que ten a reciclaxe
dos residuos que se depositan no colector amarelo (latas, briks e
envases de plástico) tanto na protección da calidade do aire como no coidado do
medio ambiente.
Desde a Xunta salientáse que o obxectivo desta campaña en
Galicia busca trasladar á sociedade a importancia de reciclar cuantificando os
aspectos positivos, que ten sobre o medio ambiente en general e sobre a
calidade do aire, en particular.
Con esta iniciativa preténdese dar resposta á pregunta Para
que serve a reciclaxe?, unha cuestión que moitas persoas se fan á hora de
separar adecuadamente os seus residuos. Para transmitir esta mensaxe, móstranse
datos reais (Por cada seis latas/botellas de plástico que reciclas no
contedor amarelo contrarrestas 10 minutos dun tubo de escape?) sobre como a
separación de residuos, se converte nunha acción fundamental que contribúe
manter o aire máis limpo e evitar a contaminación atmosférica.
Dende Ecoembes, sinálase que con esta campaña querese
demostrar que un pequeno xesto, como o de depositar os envases domésticos no
colector adecuado, fai que entre todos axudemos a conservar o medio ambiente.
Os xestos individuais son os que marcan a diferenza e permiten conseguir
grandes retos.
Cómpre destacar que os galegos cada día están
máis concienciados co medio ambiente. De feito, grazas á colaboración cidadá en
2015 recicláronse na Comunidade 59.165 toneladas de envases. En concreto, cada
cidadán depositou unha media de 9,8 kg no colector amarelo (latas, briks e
envases de plástico) e 12,5 kg no colector azul (envases de papel e cartón).