POLÍTICA | PSdeG

Villoslada: "É urxente unha visión de Galicia desde a esquerda"

O precandidato á secretaría xeraldo PSdeG Juan Díaz Villoslada, que hoxe ten encontros coa militancia na provincia de Ourense co acto central en O Barco, critica “que o PPdeG se burle de que Pedro Sánchez lle recoñeza a Galicia o lugar que merece” dentro das comunidades históricas xunto con Cataluña e Euskadi. "Isto evidencia que é urxente unha visión de Galicia desde a esquerda", afirma.

Villoslada aféalle a Feijóo que "xa bloqueou unha vez que Galicia avanzase en autogoberno e gañase peso" ao rexeitar a proposta de reforma do Estatuto de Autonomía de Emilio Pérez Touriño, e agora  permite que o seu partido desde Madrid e en Galicia "se burle e poña en dúbida o carácter diferencial da nosa comunidade recoñecido na Constitución”. 

"Esta reacción do PP explica moitascousas; entre elas por que Feijóo e o seu partido calan cos Orzamentos do Estado máisbaixos que se lembran para Galicia ou por que baixamos os brazos co AVE ou coa AP9”, critica o socialista. Departamento de comunicación