POLÍTICA | PSdeG

Villoslada defende "un PSdeG con cada vez máis peso no proxecto de España"

O precandidato ás primarias dos socialistas galegos,Juan Díaz Villoslada, defendeu hoxe “un PSdeG que teña cada vez un maior peso no proxecto de España”.

Villoslada, que participa esta tarde nun acto con militantes en Ourense, lembra que “estamos nun momento no que está en xogo o financiamento autonómico, o modelo territorial, a recuperación en igualdade con outras comunidades e acabar coa fenda que existe con respecto ao resto de España desde que está Feijóo”. 

“Defendo un proxecto socialista para Galicia disposto a facer da nosasingularidade como país un valor, temos que ser capaces de afrontar retos propios con solucións propias”, manifestou. 

En opinión do precandidato socialista, “necesitamos un partido que integre e aproveite o valor das persoas de dentro do partido e do resto da sociedade civil, é necesario aproveitar a intelixencia colectiva que este partido e este país demostraron ter en numerosas ocasións”. 

“Traballarei por un partido máis participativo, que aposte claramente polarexeneración democrática e a calidadedunha política moitas veces menosprezada por outros partidos”, engadiu Villoslada, que rematoupedindo “unha aposta pola transparencia como motor do desenvolvemento democrático”.