POLÍTICA | PSdeG

Villoslada: "A nosa candidatura está centrada en facer propostas"

O candidato ás primarias dos socialistas galegos, Juan Díaz Villoslada, anuncia o seu compromiso de crear unha secretaría de Memoria Histórica na súa Executiva, no caso de obter a confianza da militancia nas eleccións do próximo 8 de outubro. “Nese relato desde a esquerda que demanda Galicia, temos que abanderar a reivindicación da memoria e garantir o cumprimento la lei aprobada polo goberno socialista de Zapatero”, afirma. 

“A nosa candidatura está centrada en facer propostas para ser un referente na construción dun relato de Galicia desde a esquerda, non en estratexia selectorais ou orgánicas”, manifesta Villoslada no primeiro día de campaña das primarias do PSdeG. 

“A recuperación da memoria resulta imprescindible para o noso partido, por lealdade á loita que moitos compañeiros e compañeiras de esquerda levaron a cabo para defender a legalidade da República e os seus ideais”, di Villoslada. En opinión do candidato socialista, “o PSdeG ten que ser o eixo fundamental de toda iniciativa de Memoria Histórica en Galicia, tanto por historia propia como por compromiso”, polo que reclama “contundencia e rumbo fixo” nestes temas para “ser fieis aos valores progresistas”. Departamento de comunicación