GALICIA
O Sergas convocará un total de 1.616 prazas
O Servizo Galego de Saúde convocará un total de 1.616 prazas na súa oferta pública de emprego de persoal estatutario deste ano. Esta oferta de emprego, a maior dende hai cinco anos do departamento que dirixe Jesús Vázquez Almuiña, duplica a oferta de emprego do Sergas do pasado ano. Así o anunciou, en rolda de prensa, a directora xeral de Recursos Humanos do departamento sanitario autonómico, Margarita Prado Vaamonde. Nesta convocatoria, se duplican as prazas de médico de familia e se introduce a especialidade de enfermería familiar e comunitaria e a enfermería pediátrica.
Das 1.616 prazas que integran a oferta, 820 corresponden á taxa ordinaria de reposición de efectivos e 796 á taxa adicional para estabilización de emprego temporal.
Ao nivel dos mellores servizos sanitarios
Tanto os sindicatos asinantes do Plan de estabilidade do emprego e provisión de prazas do persoal estatutario (CESM-OMEGA, CSIF e SATSE), publicado no Diario Oficial de Galicia o pasado mes de maio, como o departamento que dirixe Jesús Vázquez Almuiña, están a involucrarse para chegar ao obxectivo de estabilizar o cadro de persoal do Sergas, e que, ao final do proceso, haxa un 5% de eventualidade e o demais sexa prazas estables. Así, o Sergas vai estar por baixo da cifra que o Ministerio de Sanidade pediu como obxectivo para todas as comunidades autónomas que fixa a eventualidade nun 8%.
En definitiva, o departamento que dirixe Jesús Vázquez Almuiña conseguirá, ao remate do período (2019-20), unha eventualidade necesaria (5%), que se sitúa ao nivel dos mellores servizos sanitarios.