GALICIA | PARLAMENTO XOVE
A final do torneo Parlamento Xove será os días 3 e 4 de maio en Santiago
A Dirección Xeral de Xuventude, Participación e Voluntariado deu a
coñecer os equipos gañadores da fase clasificatoria da décima edición do
programa Parlamento Xove nas categorías de Secundaria e Bachalerato. Un
total de 16 conxuntos, 8 por categoría, enfrontaranse na fase final que
se celebrará os días 3 e 4 de maio en Santiago de Compostela, na que
debaterán sobre se “sería a democracia directa un mellor sistema que a
democracia representativa?”.
Os equipos
Os equipos finalistas de Secundaria
son: IES de Becerreá, Colexio Internacional Sek Atlántico (Poio),
Colexio La Salle (Santiago de Compostela), dous equipos do CPR Maristas
Inmaculada (Lugo), CPR Plurilingüe Sagrada Familia (Vilagarcía de
Arousa), Colexio Eduardo Pondal (Cangas) e IES Muralla Romana (Lugo).
Pola
súa banda, na categoría de Bacharelato, os finalistas son: IES de
Becerreá, IES Lucus Augusti (Lugo), IES Río Cabe (Monforte de Lemos),
dous equipos do Colexio La Salle (Santiago de Compostela), IES Castro
Alobre (Vilagarcía de Arousa), Colexio Plurilingüe San José Fec (Lugo) e
Colexio María Inmaculada Carmelitas (Vigo).
A dificultade da
actividade está en que só cinco minutos antes de cada encontro
dialéctico se procede ao sorteo da postura a adoptar por cada equipo,
“a favor” ou “en contra”, en relación á cuestión formulada. Os equipos
levaron a cabo un labor de investigación previa e agora contrapoñen e
discuten datos e ideas.
Universidades
Ademais, e por
primeira vez, o torneo Parlamento Xove ábrese ao estudantado
universitario. Serán 8 os equipos que se darán cita, tamén os días 3 e 4
en Santiago de Compostela, para disputar as fases clasificatoria e
final do torneo.
En concreto, os conxuntos seleccionados para participar, por orde de
inscrición, proceden: 3 do campus universitario de Santiago e un
representante dos campus de Vigo, A Coruña, Lugo, Pontevedra e Ferrol.
Cómpre indicar que a esta primeira edición do Parlamento Xove para
persoas universitarias anotáronse 13 equipos.