GALICIA | OPOSICIÓNS
Máis de 18.000 persoas concorrerán ás oposicións de Educación
18.700 persoas concorrerán ás oposicións convocadas pola Consellería
de Educación, Universidade e Formación Profesional nos distintos corpos
docentes, segundo os datos compilados ao peche do prazo para presentar
as solicitudes. Convocáronse 2.064 prazas en 36 especialidades. Do total
das prazas desta oferta de emprego público, 1.122 son relativas á taxas
de reposición, 666 á estabilización de emprego temporal e 276 son
prazas de promoción interna.
O sorteo público dos tribunais terá
lugar o día 22 de maio de 2019. Para aquelas persoas que teñan que
realizala, a proba de acreditación de coñecemento do galego terá lugar o
día 7 de xuño de 2019, ás 18 horas, no IES As Fontiñas (Santiago de
Compostela); mentres que os que teñan que acreditar o seu coñecemento do
castelán a proba será tamén o 7 de xuño, ás 17 horas, no mesmo centro
educativo.
O procedemento selectivo dará comezo o día 22 de xuño
de 2019. O acto de presentación de asistencia obrigatoria para todos os
aspirantes celebrarase ese mesmo día ás 9 horas. A maiores, outras 466 persoas inscribíronse nas oposicións para a
adquisición dunha nova especialidade, isto é persoas que xa son
funcionarios de carreira e desexan ser titulares dunha especialidade
máis. A distribución de prazas e persoas inscritas por especialidades