UNIVERSIDADE | UDC
O reitor recibe aos seus homólogos da International University, de Camboia, e da Université de Sousse, de Túnez
A Coruña | O reitor da Universidade da Coruña, Julio Abalde, recibiu hoxe na Reitoría aos seus homólogos da International University, Camboia, Ojano Sabo; e da Université de Sousse, Túnez, Ali Mtiraoui, que están de visita na entidade académica coruñesa estes días no marco do programa Erasmus para países asociados fóra do Espazo Europeo de Educación Superior.
Abalde e o reitor Sabo asinaron un convenio de colaboración para temas de investigación coa Facultade de Fisioterapia. O reitor de Camboia acudiu acompañado polo profesor Soksombat Toun. Pola súa banda, Abalde e o Mtiraoui asinaron un acordo para o intercambio de estudantado e persoal entre ambas as dúas universidades. Este convenio ampara a mobilización de alumnado, profesorado e persoal de administración e servizos por cuestións académicas. O reitor de Túnez acudiu acompañado por Mouna Ben Ahmed e Inmedine Bennour. Departamento de comunicación / UDC