UNIVERSIDADE | UDC

Julio Abalde e Fernando Martínez Abella presentan as súas candidaturas a reitor da UDC

A CORUÑA |  A Universidade da Coruña terá eleccións a reitor o vindeiro día 4 de decembro. Segundo o calendario electoral, hoxe ás 14:00 horas rematou o prazo de presentación de candidaturas co rexistro dos catedráticos Julio Abalde Alonso e Fernando Martínez Abella.

O martes farase a proclamación provisoria dos candidatos e abrirase un prazo para a presentación de reclamacións. Atendido este requisito, as candidaturas serán definitivas o vindeiro venres 22. A campaña electoral comezará o luns 25 ata o 2 de decembro.

A votación a reitor da UDC será o día 4 de decembro de 10:00 a 19:00 horas. O proceso de votación será electrónico mediante a aplicación informática e-voto, ao igual que nas eleccións de hai catro anos. Esta aplicación garantiza a emisión do voto electrónico nas mesmas condicións de segredo e igualdade que o voto en urna física. Departamento de comunicación