SANTIAGO | ATENEO
Carme Adán: "Para rematar co machismo debemos decatarnos de como o reproducimos"
SANTIAGO DE COMPOSTELA | Como
conmemoración do Día Internacional Contra a Violencia de Xénero, Carme Adán,
catedrática de filosofía no IES Politécnico de Vigo, impartiu unha conferencia
na que fixo reflexionar sobre o feminicidio na actualidade, os seus orixes e a
maneira en que todas e todos temos interiorizada esa violencia nas nosas vidas.
Facendo
alusión a historias como Carapuchiña vermella ou a filmes como A bela
e a besta ou Cincuenta sobras de Grey, Carme Adán reflexiona sobre
como o machismo e a violencia masculina non recae na vontade do home, volvendo
a súa violencia nun instinto natural. A muller volve a ser entón, segundo
afirma a catedrática, a única responsable dos seus feitos e a única responsable
da violencia. "A única que debe preocuparse de non volver soa á casa",
reflexiona Carme Adán. Adán reflexiona asemade sobre o papel da pornografía á
hora de fomentar o machismo dende a infancia. Dende os dez anos os nenos teñen
acceso a esta industria que fomenta a violencia e a sumisión da muller.
Carme Adán lembra entón
que o primeiro paso para rematar coa violencia do patriarcado é decatarnos nós
mesmos de como reproducimos día a día esa violencia.