POLÍTICA | EU
Esquerda Unida celebrará en marzo unha conferencia política
A Coordinadora Nacional
de Esquerda Unida, máximo órgano de dirección entre asembleas reunida hoxe, vén de aprobar a celebración dunha
conferencia política e programática para o vindeiro mes de marzo en Compostela.
A súa vez a dirección nacional ratificou tamén as candidaturas provinciais e a
candidatura á presidencia da Xunta que será encabezada pola coordinadora e
deputada Eva Solla Fernández.
Neste contexto no que o goberno de Feijóo está “valeirando” o
país de servizos públicos, de tecido industrial, produtivo e de emprego de
calidade, Esquerda Unida ten asumida e teorizada a necesidade de recuperar e
conformar, dende a diversidade e a diferencia, a unidade dunha alternativa
seria de esquerda para Galicia. Neste marco, Esquerda Unida celebrará a
Conferencia Política na que se analizará a situación real do noso país en base
ao que traballaremos a proposta política e programática que dotará á
organización dun proxecto sólido de cara á conformación dunha alternativa
política de esquerdas capaz de gobernar o país.
“Plantexamos esta
conferencia, en 2 partes, a reactualización da política de alianzas, de como
entendemos a unidade popular que no 2012 foi un ensaio e que temos a evidencia
de que é un camiño importante, ilusionante pero tamén con moitos problemas que
temos que abordar de maneira colectiva. Tamén queremos poñer o mellor de
Esquerda Unida na porposta programática do que terá que ser un programa de
cambio de cara ás eleccións autonómicas” explica Rubén Pérez, secretario de organización
de Esquerda Unida. Departamento de comunicación