POLÍTICA | BNG
Pontón comunica a Feijóo que acepta a proposta do 26M
SANTIAGO DE COMPOSTELA | A portavoz nacional, Ana Pontón, trasladou por escrito ao xefe do
Executivo, Alberto Núñez Feijóo, a súa dispoñibilidade para que
o encontro bilateral entre a líder da oposición e o presidente da
Xunta se celebre o 26 de marzo, tal como este propón.
Con
esta contestación, -o terceiro escrito que intercambian-, a portavoz
do BNG traslada tamén a súa disposición a abordar todos os asuntos
que se consideran clave para Galiza no actual momento de crise, tanto
os xa recollidos na carta remitida pola nacionalista o 1 de marzo
como os que o presidente da Xunta considere oportuno incluír na
axenda do encontro entre ambos.
Neste
sentido, Pontón trasladou que entre os temas a abordar figuran o
fondos europeos de recuperación económica, Next
Generation,
-os únicos extraordinarios na pandemia-, un novo modelo de coidados
que coloque as persoas no centro e garanta o dereito a unha vellez
digna, ou a estratexia de vacinación que permita administrar o
antídoto COVID coa maior eficacia posible, unha vez que se acaben os
problemas de subministro.
Serán
agora o equipo de Presidencia e o gabinete da Portavocía Nacional os
que ultimen os detalles dese encontro bilateral, tal como se indica
no escrito remito desde San Caetano. Departamento de comunicación