GALICIA | POLÍTICA
Ana Pontón: "Temos que actuar con intelixencia e tendo clara a folla de ruta para aproveitar os fondos europeos de recuperación"
SANTIAGO DE COMPOSTELA | A portavoz nacional, Ana Pontón, fixo balance
dun ano de pandemia que aproveitou para poñer en valor a actitude exemplar do
pobo galego, o que sitúa aos responsables políticos na obriga de estar a altura,
cada quen desde a súa responsabilidade, e de acertar á hora de dar unha
resposta que permita non só saír da crise senón sentar as bases do
desenvolvemento da Galicia das próximas décadas.
“A miña admiración e recoñecemento á sociedade galega polo exemplo de
solidariedade, compromiso e sacrificio polo ben común neste ano, demostrando que
somos un gran pobo con capacidade para poñer o colectivo por diante do
individual”, sintetizou Pontón. Nese recoñecemento fixo especial mención a todas as persoas que
traballaron en sectores que resultaron imprescindibles non combate contra a
COVID, en particular na sanidade, nos coidados, nos servizos esenciais, “orgullo
e agradecemento infinitos para con todas elas”, recalcou, tras enviar unha
mensaxe de “solidariedade, comprensión e afecto” as persoas afectadas polo virus e
moi en concreto ás que perderon a un ser querido.
“Desde O BNG intentamos aportar o noso grao de area, con humildade,
aprendendo dos galegos, non quero dicir que acertásemos sempre,
pero todo o que fixemos e fácemos foi co ánimo de arrimar o ombro e tendendo a
man para poñer Galiza por diante cun traballo construtivo polo País”, destacou.
Pontón non quixo centrar o balance nos erros cometidos polo Goberno de
Feijóo, a quen atribúe unha xestión marcada pola improvisación, pola incapacidade
de anticiparse e con mínima permeabilidade a aprender dos erros, como se viu na
terceira onda, senón que optou por centrarse no que queda por facer.
“Precisamente polo sacrificio da cidadanía, temos a obriga de
conseguir que a saída da crise non se limite a volver a vella normalidade senón
conseguir que tras a pandemia
emerxa a Galiza do futuro: unha Galiza ecolóxica, científica, social e
feminista”, explicou a líder nacionalista.
E para iso, argumentou, “temos que actuar con intelixencia
e tendo clara a folla de ruta para aproveitar os fondos europeos de
recuperación, -os únicos extraordinarios-, dos que o BNG propón mobilizar
14.800 M€ a través do seu programa Xerar
Futuro, Galiza Next, para sentar as bases do desenvolvemento das próximas
décadas e para consolidar un modelo sanitario e de coidados que coloque as
persoas no centro”.
“Non podemos perder este tren”, recalcou, para afrontar os
retos que xa estaban aquí e que a pandemia non fixo
máis que acelerar: transición ecolóxica e ambiental; transformación tecnolóxica e dixital, a transición
a un modelo económico verde baseado na ciencia e na investigación, a saúde e os
coidados das persoas como piar dunha sociedade xusta e inclusiva, a igualdade
de xénero que garanta o dereito das mulleres a vivir libres e iguais.
Incapacidade para defendeer Galicia
“E lamentablemente non vemos
nada disto e por iso a preocupación do BNG ante a falta de rumbo do Goberno de
Feixóo, incapaz de traer ao Parlamento a proposta para aproveitar os fondos Next Generation, máis aló dun puñado de
proxectos vinculados a grandes multinacionais pero sen capacidade para vertebrar
o tecido produtivo e preparalo para un escenario alterado pola pandemia”,
denunciou.
Pontón tamén criticou a “evidente” incapacidade que está demostrando o xefe
do Executivo para defender Galiza ante o Goberno do Estado, como constatou o recente
encontro co ministro de Fomento, ou que a pesar da pandemia nada fixo por
reforzar o sistema sanitario ou para deseñar un novo modelo de coidados das
persoas maiores.
“Estas son as cuestións que
preocupan ao BNG facendo balance deste ano de pandemia e ás que queremos darlle
resposta con propostas, con alternativas e cunha folla de ruta como a que
deseñamos no documento Departamento de comunicación