GALICIA | POLÍTICA
O PSdeG celebrará os 40 anos do Estatuto de Autonomía
SANTIAGO DE COMPOSTELA | O secretario xeral do PSdeG, Gonzalo Caballero, celebrará o sábado
un acto de conmemoración do 40 aniversario do Estatuto de Autonomía de
Galicia, para o cal contará cos expresidentes socialistas da Xunta
Fernando González Laxe e Emilio Pérez Touriño.
Deste
xeito, o PSdeG con Gonzalo Caballero á fronte pon en valor o papel dos
socialistas no Estatuto de Autonomía reafirmará o seu “compromiso
galeguista e co autogoberno”, o mesmo que levou ao partido a contribuír á
elaboración dun texto estatutario “de primeira” para Galicia.
De
feito, o PSdeG é o único partido dos que actualmente teñen
representación na Cámara que participou na redacción da carta
estatutaria de 1981. “Sempre estivemos nos momentos clave defendendo a
Galicia cun claro compromiso galeguista e coa autonomía”, resaltou
Gonzalo Caballero.
No acto tamén participarán José
Vázquez Fouz, representante do PSdeG na chamada Comisión dos 16, a que
redactou o texto estatutario; e Margariña Valderrama, membro da
executiva do PSdeG naquelas datas. Ademais, tomarán a
palabra Xosé Sánchez Bugallo, alcalde de Santiago e Noa Díaz, deputada
autónomica e coordinadora do libro ‘A esforzada conquista da autonomía’. Departamento de comunicación