GALICIA | POLÍTICA
Pontón presenta 10 propostas para rescatar Ferrol
.jpg&x=305)
FERROL | A Portavoz Nacional do BNG, Ana Pontón
presentou en Ferrol 10 propostas centradas “na recuperación industrial, unha
transición enerxética xusta e a rexeneración da ría”.
A
portavoz nacionalista, acompañada do grupo parlamentario, avanzou que levará a
todas as institución o “Decálogo por un novo Ferrol” que inclúe medidas para reforzar os servizos
públicos e poñer en valor os recursos naturais e patrimoniais de Ferrol e a súa
comarca.
Pontón
afirmou que estamos
ante un momento decisivo, de grandes cambios, transformacións e oportunidades e
“hai que poñer a Ferrol no mapa”, e dende o BNG pensamos que Ferrol ten futuro
se hai un “compromiso político real”.
A nacionalista remarcou o papel do sector naval con
tradición, capacidade e persoal de alta cualificación, ao
que sumou o potencial enerxético e un patrimonio cultural e natural de “enorme
valor económico” e asegurou que Ferrol e
a súa comarca contan con recursos e potencial para “poder poñerse en pé desta
crise e mirar con optimismo o futuro”.
Para a portavoz nacionalista a “falta de
compromiso político con Ferrolterra” explica que esta comarca nos últimos
tempos vaia de crise en crise, cun declive demográfico, social e industrial palpable,
e o continuo peche de empresas estratéxicas.
Medidas
urxentes e compromiso político real
A
portavoz nacionalista insistiu na urxencia de recuperar o sector naval apostando
por un “complexo integral na ría de Ferrol para construír barcos civís, cadeas
de reparacións” e unha fabrica de
turbinas cara os proxectos de descarbonización. Endesa-As Pontes,
Siemens-Gamesa en Somozas, a falta de carga de traballo en Navantia e a
situación de colapso da ría de Ferrol son algúns exemplos da situación crítica
que vive a comarca, e que a COVID non fixo máis que agravar impactando tamén
nun tecido comercial, hostaleiro e turístico xa moi afectado polo declive
demográfico e económico de Ferrolterra.
O que precisa Ferrolterra é “política
industrial, proxectos empresariais, recuperar a ría como sector produtivo
básico e completar infraestruturas, poñer en valor o patrimonio cultural e os
valores naturais que son importantes
para o futuro da comarca” pero sobre todo, explicou a líder do BNG, Ferrol
precisa do “compromiso de todas as
forzas políticas para sacar adiante un proxecto de futuro para esta comarca,
compromiso político para defender o mesmo nos concellos, no Parlamento, no Congreso
e ante a Unión Europea”.
De nada valerán fotos, nin máis mesas sociais, nin
máis anuncios baleiros se despois falta
compromiso político para sacar adiante as propostas, de nada valen senón se
defende esta comarca ante o Goberno da Xunta e o Goberno do Estado. De nada valen os anuncios
se dis unha cousa e a contraria en función de quen se sente na Moncloa. “O
compromiso do BNG é dar a cara por esta comarca en todos os foros, en todas as
institucións, goberne quen goberne, aquí e en Madrid”, enfatizou.
Decálogo
por “Un novo Ferrol"
Esta decálogo por un novo Ferrol, explicou, condensa propostas estratéxicas para sacar a
Ferrol do pozo e iniciar unha nova etapa que aposte pola industria, por unha
transición enerxética xusta, pola ría, por facer dos recursos naturais e do
patrimonio cultural un elemento de cohesión e desenvolvemento social e por
reforzar os servizos públicos.
“Trátase dun decálogo que imos defender en
todas as institucións e que debe ser financiado con recursos económicos do
estado, da Xunta e dos Fondos Next generation”. O primeira proposta do noso decálogo “por un
novo Ferrol”, explicou está dirixida a recuperar
o sector naval apostando por un “Complexo
integral da construción naval, con diversificación e recuperación de
actividades”. Recuperación da construción civil, carenas e reparacións,
introdución de turbinas garantindo a participación maioritaria de Navantia na
eólica mariña con Fene como centro de referencia.
En relación a acadar unha transición enerxética xusta, Pontón avogou
polo impulso e financiamento de proxectos industriais e a autorización de novos parques eólicos vinculada a proxectos
industriais que xeren riqueza e emprego. Neste sentido, tamén defendeu constituír un centro de I+D+i, nas Pontes.
Recuperación da ría
Por outra banda, afirmou que a ría de Ferrol
represente un claro exemplo da “falta de estratexia e compromiso político”. A
situación actual da ría, explicou é de colapso absoluto e cunha produción que
apenas supón un 10% da que existía hai dez anos. O decálogo do BNG inclúe constituír un mando único para a rexeneración da ria de
Ferrol, para a coordinación de todas as administracións e iniciar de maneira
urxente, un estudo integral da súa situación.
A recuperación e posta en valor do patrimonio
arqueolóxico e histórico, un Cronograma para o uso público das antigas
instalacións de defensa, o coidado do medio ambiente e espazos tan valiosos
como, as Fragas do Eume, a conexión ferroviaria Ferrol- A Coruña, con
inclusión da liña no Eixo Atlántico, mellora de infraestruturas materiais trazado
no ancho métrico Ferrol-Ribadeo, incorporación do porto de Ferrol na rede básica
europea de transporte, un plan de reforzo na Atención primaria e a dotación de
prazas públicas nas residencias en Ferrol, Narón e As Pontes, forman parte das medidas recollidas no
Decálogo “Por un novo Ferrol” presentado hoxe pola portavoz nacional do BNG,
Ana Pontón. Departamento de comunicación