GALICIA | POLÍTICA
Valentín Formoso pide o apoio da ministra Teresa Ribera "para facer de Galicia unha referencia na producción de hidróxeno verde"
A CORUÑA | O presidente da Deputación da Coruña, Valentín
González Formoso, pediu hoxe a colaboración da ministra de Transición Ecolóxica,
Teresa Ribera, “para facer de Galicia unha referencia na producción de hidróxeno
verde”, aproveitando “o gran potencial renovable” da comunidade, no que as
enerxías renovables como son predominantes.
Valentín
González Formoso e Teresa Ribera reuníronse hoxe na sede da Deputación da
Coruña, onde falaron sobre a “oportunidade de futuro” que a extensión do hidróxeno
verde como fonte de enerxía suporá para reducir a factura enerxética das
empresas e as familias galegas. Teresa
Ribera, que hoxe presentou tamén o PERTE de Enerxías Renovables do Goberno,
agradeceu o enorme interese desde o sector en Galicia, que presentou 195 propostas
ás distintas liñas lanzadas polo Ministerio, con proxectos vinculados a un
investimento superior aos 23.500 millóns, entre eles 35 de hiróxeno renovable,
con 700 millóns de euros.
Formoso
abordou tamén coa ministra a necesidade de que os Fondos de Transición se dediquen
a paliar os efectos da descarbonización nas zonas espcialmente afectadas en Galicia,
dando prioridade aos colectivos máis afectados, coma os traballadores do
transporte e das empresas auxiliares, así como na súa incorporación aos novos
proxectos que se creen tanto nas Pontes como en Meirama.
Outro
dos asuntos abordados na reunión de hoxe foi a Lei de Costas e a súa posible
afectación ao sector conserveiro. “O Ministerio é consciente e coñece moi ben a
importancia estratéxica do sector en Galicia e dá todas as garantías de que o
regulanento non vai afectar ás instalacións produtivas actuais”, afirmou González
Formoso, que sostuvo que “é importante que se priorice o emprego na aplicación
do regulamento, que afecta a 26.000 familias en Galicia, maioritariamente
emprego feminino”.
Implicación
de todos para buscar solucións a ENCE
Finalmente,
Formoso e Ribera falaron sobre a situación actual de ENCE. Formoso remarcou a importancia
de que Galicia, unha potencia tamén na producción forestal, non quede sen transformación
da madeira e reclamou “sensibilidade cos traballadores e traballoras da planta”
e “implicación de todas as partes: Goberno, Xunta de Galicia e a propia empresa”
na búsqueda de solución. “A
solución debe conxugar as garantías laborais para os traballadores, o mantemento
do sector forestal e da transformación en Galicia e a protección do medio ambiente,
polo que require da implicación de todas as administracións”, afirmou.
Inicio
das obras de dragado da ría do Burgo
Valentín González Formoso, participou hoxe tamén
no Concello de Culleredo no acto institucional que dá inicio ás obras
executadas polo Goberno do Estado de dragado da Ría do Burgo, unha demanda
histórica.
No acto, ademáis da vicepresidenta Terceira e ministra
para la Transición Ecolóxica y el Reto Demográfico, Teresa Ribera; estiveron o
delegado do Goberno en Galicia, José Miñones; á conselleira do Mar, Rosa
Quintana; o alcalde de Cullleredo, José Ramón Rioboo; o alcalde de Cambre, Óscar
García Patiño; o alcalde de Oleiros, Ángel García Seoane; a subdelegada do
Goberno, María Rivas; e o xefe da Demarcación de Costas, Rafael Eimil.
Este é un proxecto innovador, multidisciplinar e
participativo, xa que foron moitas as administracións que emitiron informes con
solucións que se recollen no texto. A actuación, que dará comezo en 10 días,
realizarase por sectores. A xestión de cada un destes sectores é diferente
segundo o grao de contaminación.
O obxectivo principal da obra é o de retirar o material
contaminado que se foi acumulando en forma de sedimentos na ría pero, grazas a
estes traballos, tamén se conseguirán outros logros beneficiosos para a
cidadanía como pode ser a creación de novos espazos verdes públicos ou o remate
do paseo para unir a zona de Cambre e Oleiros.
Teresa Ribera agradeceu a “colaboración y el
buen hacer de todas las instituciones” e explicou que esta “esta operación de
ingeniería puede ser el proyecto más ambicioso, complejo e innovador que
realizamos desde el Ministerio”. A ministra confía en que “marque un antes y un
después” pero “para eso, tendremos que trabajar con total transparencia”. Departamento de comunicación