GALICIA | POLÍTICA
Formoso reclámalle a Feijóo que "supere a excepcionalidade" na xestión sanitaria
SANTIAGO DE COMPOSTELA | O secretario xeral do PSdeG, Valentín González Formoso, reclamoulle
hoxe a Feijóo que “saia da situación excepcional e comece a planificar” a
xestión sanitaria que non fixo máis alá de “anos de recortes”. Así o
dixo logo dun encontro en Santiago con representantes dos principais
colectivos sanitarios de Galicia.
O líder dos socialistas
galegos sinalou que a pandemia puxo en evidencia os “defectos do
sistema” logo da redución de persoal e recursos por parte dos gobernos
do PP. Reclamoulle ao goberno galego que tome medidas para aliviar a
situación provocada pola pandemia, máis alá de “fiar todo á carta da
atención telefónica”, que está a xerar tensións na atención sanitaria.
Alertou
da situación de centros de atención primaria nos que o goberno galego
segue sen cubrir as baixas de persoal e unha redución xeral de recursos
que provocou por primeira vez listas de espera “inasumibles” mesmo para
recabar a diagnose médica en Atención Primaria.
González
Formoso reivindicou a mellora de condicións laborais dos profesionais
sanitarios como vía imprescindible para mellorar a calidade do sistema,
que precisa de “plantillas motivadas” e con incentivos para superar a
“desmoralización” xeneralizada no sistema. Apuntou neste sentido á
“necesidade imperiosa da desburocratización de colectivos médicos”, para
garantir a máxima eficiencia no seu labor profesional.
Falla de persoal
O responsable socialista apuntou á
grave falla de persoal no sistema sanitario, que “está a pagar a
cicatería dos gobernos do PP para incorporar talento médico no sistema”,
tanto ao reducir as taxas de reposición de persoal ao máximo como
renunciando a incorporar os MIR habilitados polo goberno central.
Lembrou
que o goberno de Rajoy reduciu a taxa de reposición ao 10 por cento,
permitindo contratar tan só a un de cada 10 médicos que se xubilaban, e
que foi o goberno presidido por Pedro Sánchez o que aumentou a taxa ata o
120 por cento. O mesmo goberno, dixo, que ten convocado o segundo MIR
consecutivo máis elevado da historia.
Malia que o
Executivo abriu a posibilidade de incorporar novos profesionais médicos á
sanidade pública, lembrou que o goberno de Feijóo deixou de contratar
150 especialistas que tiña permitidos nas últimas dúas convocatorias. Formoso mantivo hoxe un encontro cos principais
colectivos sanitarios de Galicia, no que participaron as seccións de
sanidade dos sindicatos CCOO e UGT, Satse, a Asociación Galega de
Medicina Familiar e Comunitaria, o Movemento Galego de Saúde, o
Movemento dos PACs, Enfermeiras en Loita ou CESM, así como o Colexio
Oficial de Psicoloxía de Galicia.
Por parte dos
socialistas galegos participaron, ademais de González Formoso, o
secretario de Sanidade da CENG, José Ramón García, os portavoces de
Sanidade no Parlamento de Galicia e no Congreso, Julio Torrado e Ana
Prieto, e o presidente da Comisión de Sanidade do Senado, o senador
galego Modesto Pose. Departamento de comunicación