DEPUTACIÓN DA CORUÑA
Formoso: "A Cidade das TIC converterá á Coruña nunha referencia nacional en tecnoloxía e ciencia"
A CORUÑA | Valentín
González Formoso asistiu hoxe ao inicio das obras na Cidade das TIC na
Coruña. O presidente da Deputación destacou na súa intervención a aposta
conxunta de todas as administracións implicadas para que o proxecto sexa unha
realidade e se convirta en “referencia na tecnoloxía e na ciencia, que
constitúen aquela parte da economía que da soporte a todas as demais”.
Ademais de Formoso, no encontro
estiveron a alcaldesa da Coruña, Inés Rey, o delegado do Goberno en Galicia,
José Miñones, o conselleiro de Economía, Empresa e Innovación, Francisco Conde,
o reitor da Universidade da Coruña (UDC), Julio Abalde, e o presidente do Clúster
TIC Galicia, Antonio Rodríguez del Corral.
González Formoso sinalou que se trata “dunha aposta
visionaria de Julio Abalde que nos permite que este espazo teña unha vida, que
continúe sendo un centro de producción laboral, neste caso tecnolóxico, adaptándose
aos novos tempos, e que dea soporte aos sectores tradicionais da economía
galega”.
O presidente provincial agradeceu o compromiso do Goberno
de España e do Ministerio de Defensa, “que tivo suficiente visión e compromiso
coa cidade para que isto non sexa un espazo abandonado máis nun lugar neurálxico
e estratéxico”. Formoso tamén amosou o
seu agradecemento a Francisco Conde “polo impulso económico a un proxecto motor
da tecnoloxía en Galicia” e á alcaldesa da Coruña, Inés Rey, por aproveitar
unha oportunidade para que a cidade “ademais de ser referencia no ámbito loxístico
mariño, na industria pesada, no coñecemento universitario e no tratamento
sanitario, sexa referencia naquela parte da economia que da soporte a todas as
demais, como é a tecnoloxía e a ciencia”. Departamento de comunicación