BUEU

Presentación da programación do SonRías Baixas 2022

BUEU | O festival SonRías Baixas presentará o vindeiro martes 26, ás 12:00 horas, a programación completa da súa nova edición, que se celebrará os días 4, 5 e 6 de agosto en Bueu.   

SonRías Baixas, organizado pola promotora PlayPlan, é un dos grandes eventos de música ao vivo no verán en Galicia. Neste 2022 o festival recupera o seu gran formato para presentar unha ampla, festiva, dinámica e potente programación que contará con nomes como Kase.  

O Jazz Magnetism, Tanxugueiras, La M.O.D.A., Rayden, Delaporte, Ciudad Jara, Arnau Griso, Rels B, Eskorzo, Sofía Gabanna, Sara Hebe, Bala, Suu, JazzWoman, Emlan, Maurino, Cool Nenas, Buhos, García Mc & Nación Quilombo e Balkan Paradise Orchestra.  

O acto de presentación da programación completa de SonRías Baixas 2022 terá lugar na praia de Beluso e contará coa presenza do director da Axencia Galega das Industrias Culturais da Xunta de Galicia, Jacobo Sutil; da deputada provincial de Turismo da Deputación de Pontevedra, Ana Laura Iglesias; do alcalde de Bueu, Félix Juncal; e do equipo que dirixe o festival, Jordi Lauren e Berta Domínguez, da promotora local PlayPlan Cultural.  Departamento de comunicación