EQUINA GALICIA 2025
Entregas de premios e enganches pechan unha Equina Galicia 2025 que destacou pola gran participación e categoría das súas competicións
REDACCIÓN | Equina Galicia 2025, organizado pola Asociación de Criadores de Cabalos Españois de Galicia (ACCEGA) coa colaboración da Fundación Semana Verde de Galicia, finalizou hoxe a súa undécima edición. Unha cita que volveu caracterizarse tanto polo alto número de participantes como polo gran nivel das súas competicións.
O evento, que rematou á primeira hora desta tarde, acolleu na Feira Internacional de Galicia ABANCA o XI Campionato de España Pura Raza Española-ANCCE de Galicia, tres probas de doma clásica, unha de Enganches e a II Proba de Equitación de Traballo, centrada nas habilidades e destrezas do cabalo para o traballo co gando no campo. Ademais, incluíu outras actividades, como bautismo hípico e a conferencia “O cabalo, proxección deportiva e condicións de traballo na biodiversidade das ganderías”.
Hoxe Equina completou o XI Campionato de España Pura Raza Española-ANCCE de Galicia, concurso morfofuncional que é o eixo central do evento e valorou tanto a morfoloxía como os movementos. Ao seu termo tivo lugar a entrega de premios nun acto con presenza de Belén Cachafeiro, deputada provincial de Infraestruturas Públicas e Mobilidade, o xefe do Servizo de Gandería en Pontevedra da Xunta de Galicia, Víctor Muñoz; a concelleira de Promoción Económica e Axenda 20230 do Concello de Silleda, Estefanía Taín; o director de ANCCE, Jaime Molina; o subdirector do Libro Xenealóxico do PRE e director técnico do Programa de Mellora de ANCCE, Pedro Azor; a presidenta de Expasa e Yeguada de La Cartuja – Hierro del Bocado, Judit Anda; o presidente de ACCEGA, Manuel Benavides, e o director da Feira Internacional de Galicia ABANCA, Ricardo Durán.
O Campión do concurso foi Revoltoso Sinia II, de Yeguada SA Sinia, de Palma de Mallorca (Baleares), mentres que a Campioa foi Fiesta de Centurión, de Yeguada Aqualia Esp, de Bélxica. Como subcampións alzáronse, en machos, Duende Miranda, de Yeguada Xastre Rigo, de Palma de Mallorca, e en femias Ítala de Vida, de Yeguada Jiménez Sandoval, de México.
En canto a Campión e Campioa Novo foron, respectivamente, Quesoro JB de Romero, de Yeguada de los Romero Esp, de Costa Rica, e Ilíada de Centurión, de Yeguada Centurión, de Segovia (Castela e León). Como Subcampións Xóvenes alzáronse, en machos, Elegido de Discípulo, de Gandería El Discípulo, de Barcelona (Cataluña), e en femias Profesora de Vida, de gandería Jocha, de Costa Rica.
O Campión Adulto de Mellores Movementos foi Revoltoso Sinia II, da Yeguada SA Sinia, mentres que a Campioa de Mellores Movementos foi Desiree de Centurión, de Yeguada Aqualia Esp. O Campión Xoven de Mellores Movementos foi Quesoro JB de Romero, de Yeguada de los Romero Esp, mentres que o subcampión foi Hechicero de Vida II, de gandería Villanueva Dacasa, de Arzúa (A Coruña). En Funcionalidade o campión e subcampión foron, respectivamente, Duende Miranda, de Yeguada Sastre Rigo, e Sueño de Vida, de Yeguada San Fernando, de Toledo.
Respecto á Mellor Gandería, alzouse co título Centurión, de Segovia, sendo o segundo posto para Yeguada del Pas, de Santander (Cantabria). O Mellor Xinete foi Diego González. Os Mellores Presentadores foron, en adultos, César Santos, e en junior, Víctor Santos.
En canto aos premios concedidos por ACCEGA neste concurso, o mellores poldro e poldra nacidos en Galicia foron, respectivamente, Hechizero de Vida II, de Villanueva Dacasa, de Arzúa, e Profesora de Vida, propiedade de Gandería Jocha, de Costa Rica, pero nacida en Galicia.
Nesta competición tres estrelas, a máxima categoría a nivel nacional concedida pola Real Asociación Nacional de Criadores de Cabalos de Pura Raza Española (ANCCE), participaron oitenta exemplares de 45 destacadas ganderías, as cales procedían non só da maioría de Comunidades Autónomas españolas, senón tamén doutros cinco países, como son Costa Rica, México, Italia, Francia e Bélxica. Uns datos que converten a esta cita nun dos tres campionatos de España con maior número de participantes. Clasificáronse os cinco primeiros de cada sección para a final do Campionato do Mundo, a cal se celebrará en novembro en Sevilla, no marco do Salón Internacional de Pura Raza Española.
Por outra banda, organizada polo Club de Enganches de Galicia, esta mañá disputouse finalmente unha proba non oficial de Enganches na modalidade de Limonera, consistente nunha carruaxe de catro rodas cun cabalo. En C1 o primeiro posto foi para Carlos Castiñeira con Puskis, de Ponteareas (Pontevedra), o segundo para Manuel Nistal con Orgullosa, de Lalín (Pontevedra) e o terceiro tamén para Manuel Nistal, neste caso con Poderoso. En P1 a gañadora foi Sara Castiñeira con Linda, de Ponteareas.
Clasificacións Doma Clásica
Por outra banda, Equina Galicia celebrou onte tres competicións de doma clásica que converteron esta cita na de maior participación de Galicia no que a esta disciplina refírese, ao contar con 50 binomios de distintos puntos de España.
En canto ao VII Trofeo Xunta de Galicia-Medio Rural de Doma Clásica, o cal pretende fomentar as pequenas explotacións de cría de cabalos selectos para o deporte que xeren actividade no medio rural galego, os resultados foron os seguintes. A Mellor Nota de Probas de Adultos foi para o binomio conformado por Seni Torero IV e Aitor Manso, os cales competiron en Clásica 1, mentres que a Mellora Nota de Probas Infantís e Xuvenís alcanzárona Dante de Centurión e a súa amazona Delia Monteagudo, participando en Xuvenís Equipos.
Respecto a a XXVII Copa Accega, o primeiro premio ao Mellor Cabalo PRE Menor de 6 Anos fuer para Vacilón VII, montado por Judit García en próbaa Poldros 5 Preliminar, mentres que o correspondente a Mellora Cabalo PRE Maior de 6 Anos conseguiuno Dante de Centurión, montado por Delia Monteagudo en Xuvenís Equipos.
Tamén se celebrou en Equina o Territorial de Doma Clásica, clasificatorio para o Campionato. Os resultados correspondentes ao CDT 1* Federación foron os seguintes. En canto ao Nivel 0, en AP Galega o primeiro posto foi para Nuria Hermida. En Nivel 1, en Poldros 4 Anos Preliminar o vencedor foi Óscar de la Torre, en Alevíns Equipos foi Iria Domínguez e en Rider 1 A Myriam López. Respecto a Nivel 2, en Poldros 5 Anos Preliminar a gañadora foi Judit García, en Infantís Equipos Sofía Paz e en Rider 2 A Verónica Presas. Respecto a Nivel 3, en Rider 3 Ao primeiro posto conseguiuno Eloi Domínguez, mentres que en Nivel 4, en Clásica 1 gañou Aitor Manso.
Así mesmo, os resultados do CDT 1 Social correspondéronse cos seguintes. En canto ao Nivel 0, en AP Galega o primeiro posto foi para Eva Figueira. En Nivel 1, en Poldros 4 Anos Preliminar gañou Alicia Corrado, en Rider 1 A Yaiza Martínez, en Rider 1 C Carla Mosteiro, en Infantís Individual fíxoo Sofía Paz, en Rider 2 A Jenifer Alonso e en Xuvenís Equipos a vencedora foi Delia Monteagudo.