DEPUTACIÓN DE PONTEVEDRA
A Deputación confirma que o turismo internacional medrou máis dun 12% en outubro
REDACCIÓN | A Deputación de Pontevedra confirma que a chegada de turistas estranxeiros á provincia medrou máis dun 12% en outubro do 2025 con respecto ao mesmo mes do pasado ano. Os datos do Observatorio de Turismo Rías Baixas, que se nutren dos rexistros do INE, constatan o crecemento continuo deste tipo de visitantes o que ratifica que a aposta do organismo provincial pola internacionalización do destino sigue a dar os seus froitos. Ademais, ao longo do mes de outubro chegaron á provincia o 32% das persoas que visitaron Galicia sendo o 60% delas residentes de España e o 40% estranxeiros.
No que respecta ao mes de novembro acudiron ao Palacete das Mendoza, sede de Turismo Rías Baixas, máis de 1.300 visitantes. A maioría deles eran españois, o 70%, e procedían de Madrid e Asturias principalmente. Pola súa banda o 30% restante chegou desde Alemaña, Portugal, Reino Unido e Estados Unidos. Entre os principais motivos para visitar Rías Baixas remarcaron a oferta de ocio, a cultura e o Camiño de Santiago.
Con respecto ao Camiño, neste mes percorreron algunha das vías que atravesan a provincia de Pontevedra máis de 3.000 peregrinos e peregrinas. O número máis numeroso seguiu o Camiño Portugués, seguido do Camiño Portugués pola Costa, a Vía da Prata e o Camiño do Inverno. Neste caso, o 70% das persoas que percorre o camiño son visitantes internacionais procedentes de Portugal, Estados Unidos e Alemaña.