DEPUTACIÓN DA CORUÑA
A Deputación súmase ás reivindicacións do Foro Cidadán polo Ferrocarril pola modernización da infraestrutura ferroviaria de Ferrolterra
REDACCIÓN | O presidente da Deputación da Coruña, Valentín González Formoso, participou hoxe na manifestación convocada polo Foro Cidadán polo Ferrocarril para reclamar a modernización e mellora das infraestruturas ferroviarias de Ferrolterra.
Formoso destacou na manifestación que “hai un clamor en Ferollterra, Eume e Ortegal contra a discriminación a esta esquina de Europa que reclama que aproveitemos a ocasión de nos dá que os fondos europeos están enriba da mesa para contar cunha planificación do Estado que nos permita por fin ter acceso a unha infraestrutura ferroviaria do século XXI e non do século XIX”.
“Levamos décadas de abandono en materia ferroviaria por parte de distintos gobernos e agora lle toca tanto o Goberno do Estado como ao Goberno autónomíco que se impliquen nunha solución ferrovaria que nos homologue co resto de Galicia, que nos pemita ser competitivos”, afirmou.
O presidente provincial insistiu na importancia estratéxica da liña Ferrol–A Coruña para garantir o equilibrio territorial, a competitividade industrial e a loita contra o despoboamento.
Formoso comnsiderou que mobilización cidadá fai visible “unha necesidade histórica” e amosou a total disposición da institución provincial para colaborar nesta xusta reivindicación.