VIMIANZO
Vimianzo celebrará o sábado de Entroido con máis de 3.000 euros en premios
REDACCIÓN | O Concello de Vimianzo convida á veciñanza e visitantes a participar na celebración do sábado de Entroido 2026, que terá lugar o sábado, cunha programación pensada para todos os públicos.
En Vimianzo a xornada comezará ás 16:00 horas coa concentración na Praza do Concello, seguida ás 16:30 horas dun pasarrúas con animación polas rúas da vila. Ás 17:30 horas no pavillón dará comezo o tradicional Concurso de Disfraces, unha das citas máis agardadas da tarde, que premiará a creatividade, a posta en escena e o espírito entroidesco.
O evento contará con dous presentadores de luxo, Pablo Reboleiro e Marta Alonso, que serán os encargados de conducir o concurso, dinamizar a tarde e poñer o mellor ambiente ao longo de toda a xornada festiva.
Ás 20:00 horas celebrarase a sesión de baile tamén a cargo de Pablo Reboleiro e Marta Alonso, e ás 21:00 horas terá lugar a entrega de premios a cargo da alcaldesa, Mónica Rodríguez, e dos concelleiros e concelleiras.
Máis de 3.000 euros en premios
Establécense os seguintes premios por categorías:
.- Comparsas de 20 ou máis integrantes: 1.000 euros (1º premio), 500 euros (2º premio), 200 euros (3º premio).
.- Grupos de 3 a 19 integrantes : 300 euros (1º premio), 200 euros (2º premio), 100 euros (3º premio).
.- Familias empadroadas en Vimianzo ( mínimo 6 integrantes e 3 xeracións) 200 euros.
.- Parellas: 100 euros (1º premio), 75 euros (2º premio), 50 euros (3º premio).
.- Infantís individuais: 60 euros (1º premio), 40 euros (2º premio), 20 euros (3º premio).
.- Adultos individuais: 100 euros (1º premio), 75 euros (2º premio), 50 euros (3º premio).
Orde de actuación – Concurso de Disfraces
O concurso desenvolverase segundo a seguinte orde de participación:
1º individual infantil:
-LA PRINCESA DE LOS CUENTOS
-EXCAVACIONES MATEO
-O PIRATA MÁIS TOLEIRO DOS MARES
-CRISTOBAL COLÓN
-GUARDIAN DE LOS OCEANOS
-VACA
-DOMADOR DE CARACOLES
-CABALIÑO
2º individual adultos
-OTOÑO MÁGICO
-OPTIMUS PRIME
-DINO RASTA
-CHAMÁN
3º Parellas
-AS MEDUSAS
-OS CHAPALATAS
-NIN RATA, NIN RATO, RATIÑA!!
- SIRENAS
4º grupos
-A LUZ DO CAMIÑO - PONTEDISFRAZ
-CABALIÑOS DO MONTE FARO
-CARANTOÑA NAS NUBES
5º Familias de Vimianzo
-O CONTO OS TRES P- ORQUIÑOS
-OS EXPLORADORES INTERXERACIONAIS VIMIANCESES
6º comparsas
-A FÁBRICA DA LUS- A.C.TRUBISQUIÑA
-FIOS DE SALITRE - A.C. O CANSORRIÑO
-LATEXO GALEGO - ASOC. CULTURAL MOCATRIZ
-MOLIN ROUGE 1889 – MUROS
Desde o Concello animan á veciñanza a participar e gozar dunha das festas máis esperadas do inverno, que converterá Vimianzo nun escenario cheo de cor, creatividade e convivencia.