PREMIO ISSAC DÍAZ PARDO
O XIX premio Issac Díaz Pardo de producción artística entregarase o xoves 16 na V Gala Daccultura
REDACCIÓN | A V gala Daccultura, que se celebra o xoves 16 no Teatro Colón (19 horas, acceso libre), será o escenario no que se entregará o XIX premio Issac Díaz Pardo de produción artística a Ana Isabel Gesto por Intervalo 2024.
O xurado, conformado Elena Bangueses Buceta, Xosé Manuel Buxán Bran, Anxela Caramés Sales, María Dolores Dopico Aneiros e Manuel Ignacio Martínez Antelo, destacau que se reflicte unha pausa sonora que aínda non sucedeu, coma se fose unha imaxe sonora e poética, coma se a memoria flotase entre o presente e o futuro. A artista emprega o espazo doméstico e o etnográfico á vez que fai referencias ao universo sonoro con cordas e as caravillas dá guitarra que aparecen en tensión sen chegar a realizarse sons.
Ana Isabel Gesto Beiroa (Santiago de Compostela), é licenciada en Belas Artes por UVigo. É unha artista poliédrica que deseñou un completo universo simbólico con obxectos transmutados que oscilan entre a estética, materia, son e emoción. A súa obra conta cunha linguaxe escultórica e de experimentación acústica co que reafirmar a súa identidade cultural e as súas raíces.
Premio Issac Díaz Pardo
Desde 1988 este galardón dotado con 6.500 euros para o premiado e outros 25.000 para a adquisición de obras e ten como obxectivo potenciar a produción artística na provincia da Coruña á vez que se homenaxea ao creador polifacético Díaz Pardo unido para sempre a creatividade e a contemporaneidade de Galicia.
Entre os anteriores gañadores están Paco Pestana, Caxigueiro, Carolina Miraz, Carmen Sendón ou Emilia Salgueiro, que traballan con linguaxes contemporáneas como a instalación ou a escultura expandida.
Premios Daccultura
En 2026 alcánzase a V edición do certame Daccultura que se celebrará este xoves 16 no Teatro Colón (A Coruña) nunha gala de acceso libre que comezará ás 19 horas.
O evento estará presentado pola xornalista Susana Pedreira e o actor e músico Xoán Fórneas. A actuación musical desta edición correrá a cargo de Caamaño & Ameixeiras.
No transcurso da gala tamén se entregarán os premios Torrente Ballester de Narrativa; o Castelao de banda deseñada, o Raíña Lupa de Literatura infantil e xuvenil; o González Garcés de Poesía; o Antonio Fraguas de Artesanía; o Fran Pérez ‘Narf’ de música; o Andrés Gaos de composición musical; o Jesús Núñez de Arte Gráfica e o Luís Ksado de fotografía.